Gadoni, Mina de Funtana Raminosa

Mina de Funtana Raminosa, machinàrios. Foto de A. Monteverde (particulare), Comunu de Gadoni

Sa mina òcupat un'àrea de grandu interessu ambientale, importante fintzas pro s'archeologia industriale in Sardigna.
Mancari sos coltivos de ràmene prus antigas faghent a datare a s'edade nuràgica subra de sa base de acatamentos archeològicos, sa cuntzessione a una sotziedade italo-frantzesa torrat a artziare a sa prima dècada de su Noighentos. Sa faina, suspesa in su 1983, at lassadu ladinos rastros de su passadu mediante iscavos, muntonàrgios e gallerias in unu paisàgiu ammajadore e singulare. Unu progetu de recùperu e de valorizatzione, totora in àutu, dat s'oportunidade de bisitare sos impiantos oramai in disusu, ma rilevantes fintzas pro s'istòria sotzioeconòmica de su territòriu.
S'insediamentu s'isvilupat longu su caminu printzipale segundu su costùmene e presentat palazzine a ischierat e sa diretzione in un'altura subrastante sos beros e impiantos pròpios mineràrios, chi torrant a artziare a sos cumintzos de su Noighentos. Sa laveria presentat sa costumada sèrie de volùmenes sfalsati e digradanti cun coberturas a spioventi e funtzionales aberturas. Pagu a largu, imbetzes, s'impiantu de flottazione prus reghente rivelat un'istrutura a andamentu verticale, acostagiada dae serbatojos tzilìndricos.
Sa mina faghet parte de su Parcu Geominerario, Istòricu e Ambientale de sa Sardigna, reconnotu dae s'UNESCO.

Istòria de sos istùdios
Sa mina est mentovada in diversas òperas subra de s'archeologia industriale in Sardigna.

Bibliografia
S. Mezzolani-A. Simoncini, Sardegna da salvare. Paesaggi e architettura delle miniere, Nuoro, Archivio Fotografico Sardo, 1993, pp. 286-290.

Comente arribbare
Sa mina de Funtana Raminosa s'agatat in su territòriu comunale de Gadoni intre sa Barbàgia de Brebì e sa de Seulu, longu s'isponda manca de su riu Saraxinus. Est chi si podet sighire cun una deviatzione de su caminu cun tornanti chi giughet de su paisu finas a Seulu, opuru de sa SS 442 in antis de su passo de Ortuabis, tràmite una carrotzàbile.