Casteddu, Istatzione ferruviària

S'istatzione ferruviària de Casteddu est situada a sos pees de su bighinadu istòricu de Stampace. Non meda tempus in antis de su fràigu suo, sa zona fiat abertu sartu. Su logu ue est istada pesada s'agatat in cara a su chi fiat l'aprodo denominadu "S'arriba de ischit botza", unu de sos tantos a sa marina in sa localidade narada "Ischit Perdixedda": inoghe l'aprodo fiat fatu dae sas barcas belle a velas ispiegadas a su fine de tènnere un'ispinta sufitziente pro giùghere sa prua su prus possìbile intro terra pro fàghere s'iscarrigamentu sena tènnere bisòngio de barcas ausiliàrias o de pontes.
S'istatzione ferruviària de Casteddu, in s'atuale sede sua, fiat istada inaugurada su 23 trìulas de su 1879, mancari a su cumintzu de sos traballos fiat in currispondèntzia de s'atraco de sos bastimentos chi giughiant sos materiales dae s'Inghilterra.
In pessu chi costruida, s'istatzione teniat su tìmpanu lisu: posca su tìmpanu fiat istadu arrichidu cun fregi, mentras in s'antale pratza Matteotti, totora de propiedade ferruviària, fiat istadu realizadu unu giardinu.
In su perìodu intre sas duas gherras s'istatzione fiat istada sopraelevata e fiant istadas eliminadas sas duas grandu terratzas laterales: si fiat agiuntu in prus unu corpus de fàbrica longu sa bia Roma e un'internu a sa propiedade FS. Durante s'ùrtima gherra s'istatzione fiat istada in manera grave iscalabrada dae sas bombas.
In su pàtiu est esposta sa locomotiva a papore D 744.003, e in su cumplessu de s'istatzione faghet a bisitare su Museu de sas Ferrovias, realizadu in su 1985 comente a testimonia de archeologia industriale cun foto, cartas, disinnos de època, modellos de pontes e locomotivas, su modellu chi funtzionat de su traghetu Gennargentu, casseforti a muru a abertura segreta e su salotto de sa carrotza reale de Vittorio Emanuele III.

Bibliografia
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 46.