Casteddu, Iscola a s'abertu Mereu

Iscola a s'abertu Mereu, de Sardigna Foto Aèreas - Ortofoto e Dati cartogràficos © Agea, Totu sos deretos riservados

S'edifìtziu est situadu subra de s'àrea de s'antigu bastione Beato Amedeo, in sa bia intitulada in su 2005 a su matessi progetista, Ubaldo Badas, ativu a s'internu de s'Ufìtziu tècnicu de su Comunu de Casteddu, e andat cunsideradu intre sos prus ditzosos de sos numerosos interventos suos in tzitade.
Inaugurada in su 1935, s'iscola fiat nàschida cun sa fine de istruire sos pipios malàidos de tracoma o turbercolosi, giustifichende sa presèntzia de ampros ispàtzios a s'abertu ue a acumprire sa faina didàtica.
S'intrada acontesset a traessu de unu portale rivestidu a blocos acchidados de carcare biancu e vulcanite ruja, materiale, custu ùrtimu, presente fintzas in sas tres campadas insertadas a su suo internu. Est ladinu su richiamu a sa bicromia de sa traditzione medievale de s'architetura in Sardigna, eredada dae cudda pisana.
S'edifìtziu s'articulat in modu asimmètricu cun unu corpus sporgente a semichircu, ue s'agatat s'ispàtziu chi introduit in sas àulas, realizadas cun unu giogu in manera leve sfalsato de sos volùmenes a sa fine de otènnere un'illuminatzione dirìgida dae s'artu. S'isvilupat subra de unu solu pranu chi acasagiaiat fintzas su refettorio e sos ispàtzios comunos, rispondende a critèrios funtzionales in manera estrema, comente a racumandadu pro edifìtzios de custu tipu.

Bibliografia
"Cagliari. Scuola all'aperto 'Attilio Mereu, medaglia d'oro'", in L'architettura italiana, 9, 1935, pp. 334-335;
G. Loddo, Cagliari. Architetture dal 1900 al 1945, Cagliari, Coedisar, 1999, p. 58;
F. Masala, Architettura dall'Unità d'Italia alla fine del '900. Nuoro, Ilisso, 2001, scheda 69;
P. Sanjust, Ubaldo Badas. Architetture 1930-1940, Cagliari, Cuec, 2002.