Casteddu, Palatzu Boyl

Su palatzu s'impostat subra de sa lìnia de sos muros pisanos e inserrat una turre duecentesca.
Palatzu Boyl est unu de sos edifìtzios de nòbile prus rapresentativos de su Casteddu de Casteddu. Fiat istadu costruidu in su 1840 de Carlo Pilo Boyl, marchesu de Potuvigari, generale de artillieria e cumandante de su Règiu Arsenale militare, chi apartenet a famìlia de orìgines catalanas.
Su palatzu fiat istadu cuntzepidu segundu formas neoclàssicas de moda in cuddos annos, a cales si faghent riferimentu a fintzas Porta Cristina e s'intrada de su Règiu Arsenale militare, fintzas issas disegnades de su marchesu de Potuvigari, subra de imitatzione de sas romanas Porta Angelica e de Piazza de su Pòpulu.
S'edifìtziu presentat una balaustrata in màrmaru ornada dae bator istàtuas chi rafigurant sas Istajones, mentras a su tzentru est isculpidu s'istemma de su casato. In issu cunvivent s'istemma de sa famìlia Pilo (una manu chi racchiude unu matzu de pilos, in sardu "pilu"), s'istemma de sos Boyl (su trau, "boi" in sardu) e su de Aragona (palos rujos subra de isfundu oro). Suta si leghet s'iscritzione chi ammentat s'annu de fàbricu de s'edifìtziu: "COMES KAROLUS PILO BOYL EX SEMU POTUVIGARI INSTAURAVIT ANNO MDCCCXL".
S'edifìtziu aiat achiridu una turre pisana coeva a sas de San Pancrazio e de s'Elefante, de s'architetu Giovanni Capula. Sa turre aiat pèrdidu sa parte superiora sua durante s'assèdiu ispagnolu de su 1717 e fiat reduida belle a unu rùdere. Issa aiat postu fronte sos bombardamentos inglesos de su 1708, sos cannones ispagnolos chi intentaiant de si torrare a leare s'ìsula in su 1717 e in fines s'atacu frantzesu de su 1793. Tres botzas de cannone infisse subra de sa fatzada de su palatzu ammentant sos tres atacos subidos. A traessu de sa turre s'atzediat a su Casteddu. Colada sa ghenna, subra de su chirru mancu, a un'atenta osservatzione si notat unu tzipu funeràriu romanu, meda annerito de su tempus, chi fiat istadu muradu in sa turre paris cun àteras iscritziones a dolu mannu cobertas dae s'intonaco antigu. De sa fine de s'Otighentos su palatzu aiat apartentu a sa famìlia de sos barones Rossi (comente est testimoniadu dae sa lìtera "R" isculpida in unas cantas ventanas chi s'incrarant subra de su Bastione de Santa Callina); como nde sunt propietàrios sos contos marchigianos Tomassini Barbarossa.

Bibliografia
S. Naitza, Architetura de su tardu '600 a su classitzismu purista. Nùgoro, Ilisso, 1992, ischeda 68.