Casteddu, Palazzina Lixi

Sa palazzina, progetada dae su matessi propietàriu, ingenieri Gaetano Lixi, s'agatat in sa bia Paoli a sos nn. 22-26, in una zona de notèvole isvilupu in su perìodu cumprèndidu intre sas duas gherras mundiales.
Realizada intre su 1932 e su 1933, sa palazzina fiat istada iscalabrada dae sos bombardamentos aèreos de su 1943 finas a èssere ripristinada in su pustisgherra fintzas in sas fines decoraduras chi la distinghent.
Su fràigu s'isvilupat subra de un'àngulu cun duos frontes contigui rugrados in manera verticale de lesene chi separant sas aberturas, dispostas in assas e in manera alternativa frunidas de curridores sporgenti o a filu de sa fatzada. S'elementu prus ladinu est s'impreu de su colore, presente siat in sa zoccolatura, siat in sas tinteggiature de sa fatzada, chi contribuit a delimitare ispàtzios e superfìtzies. Sa palazzina, difatis, fiat istada rèndida prus pretziosa gràtzias a s'interventu de s'iscultore Francesco Ciusa chi sa rifinì cun un'intonaco subra de base rosada sìmile a s'istucu venetzianu e cun fregi a rilievu chi giughent caravelle e funtanas de grandu elegàntzia e finezza.

Bibliografia
G. Loddo, Casteddu. Architeturas dae su 1900 a su 1945, Casteddu, Coedisar, 1999, p. 77
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 101.