Casteddu, Campusantu de San Mighele

Su campusantu nou fiat nàschidu cun su còmpitu de integrare cuddu monumentale de Bonaria, de impiantu de su Otighentos, oramai saturo e mescamente de su totu inghiriadu dae s'espansione urbana. Fiat istadu duncas prevìdidu in un'àrea cumprèndida manna intre sa Tanca Pias e sa Bingia Matta, tando largana de s'abitadu e oe cròmpida e inghiriada dae s'ulteriore isvilupu de sa tzitade in sa diretzione de s'essida otzidentale.
Su progetu de su campusantu de San Mighele (1933-34) fiat istadu predispostu dae s'ufìtziu tècnicu comunale, chi si fiat serbidu de sa collaboratzione de Cesare Valle, architetu de orìgine sarda e frade de su sutasegretàriu a s'Aereonàutica, chi aiat bintu su cuncursu pro su pranu reguladore de Casteddu in su 1931.
Su campusantu, inauguradu in su 1940, si fiat prenadu a sa lestra cun s'interru pro sas vìtimas de sos bombardamentos aèreos de su 1943 e de sos rùidos de sa segunda gherra mundiale, pro sos cales fiat istadu realizadu su sacrario, semper in vulcanite, chi ammentat unu fràigu nuràgicu.
In s'ampru appezzamento de terrenu, de forma cuadrada, s'intrada fiat istada collocada in àngulu segundu s'asse diagonale cun su famedio a cùpula in positzione tzentrale, acostagiadu dae unu porticato a pilastros chi acabat cun duos corpos laterales destinados a sos servìtzios, dispostos perpendicolarmente. Sos prospetos esternos tenent un'aspetu monumentale e austeru sutaliniadu dae sos volùmenes squadrati in pedra de Serrenti cun su zoccolo e sos pilastros cugugiados in travertino. Sa parte interna imbetzes presentat sos loculi sistemados in una sèrie de fràigos chi s'isvilupant creschende de livellu a manu a manu chi s'arribbat a su tèrmine de unu pendio, ue est collocada sa simpre e funtzionale capella in asse cun s'intrada printzipale.

Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).

Bibliografia
S. Rattu, "Su campusantu nou de Casteddu e s'ampliamentu de su de Tàtari", in S'architetura italiana, 11, 1941, pp. 327-332;
G. Loddo, Casteddu. Architeturas dae su 1900 a su 1945, Casteddu, Coedisar, 1999, p. 123;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 121.