Arborea, Giardini de Piazza Maria Amparadora

Giardini de Piazza Maria Amparadora. Foto de Angela Nieddu, 2025, de Catàlogu BBCC

Sa realizatzione de su giardinu de Piazza Maria Amparadora podet èssere collocada in manera aprossimativa intre su 1928 e su 1933, unu perìodu caraterizadu dae unu limbàgiu architetònicu eclèticu, durante su cale fiant istados realizados sos edifìtzios prus rapresentativos de Arborea dispostos a fùrriu a sa pratza retangulare, pro sa majore parte progetados dae s'ingenieri Carlo Avanzini. Giai in su 1935 su giardinu presentaiat in manera sustantziale s'atuale disinnu caraterizadu dae su disponimentu de sas cresuras a s'internu de sas aiuole tzentrales, sa forma de sos fàscios littori sìmbulu de su règimene. Su giardinu presentat un'impiantu planimètricu caraterizadu dae una cumpositzione simmètrica respetu a su percursu longitudinale printzipale. A su tzentru de sa cumpositzione s'agatat su monumentu a sos rutos, pròpiu in su puntu de rugrada intre sos duos assos printzipales. Un'elementu distintivu de s'istrutura est su de filare de magnòlias chi disegnat su percursu longitudinale, mentras, bator àrbores marcant sas intradas trasversales de su giardinu: duos ficus postos a nord e duas magnòlias a sud. S'intrèveru intre sos bòidos de su padru e sos prenos determinados dae sa verticalità de sos àrbores, contribuit a definire sa spazialità de su giardinu, evidentziende in particulare sos duos ficus chi istupant in manera visiva pro dimensiones e positzione. Un'ulteriore percursu segundàriu, de forma semitzircolare, segat sa parte prus otzidentale de su retàngulu, agiunghende articolatzione a su disinnu. Sas genias botànicas in manera majore presentes sunt sa magnòlia semprebirde, disposta in filari, sas cresuras de pitosforo e mandrino semprebirde de vàrias formas geomètricas irregulares, su ficus magnolioide, duos àrbores de grandu dimensiones, e sa grevillea.

Aspetos de interessu
Su giardinu de Piazza Maria Amparadora est nàschidu comente a un'elementu tzentrale e iscenogràficu a s'internu de unu progetu urbanìsticu elaboradu durante su Ventennio fascista pro su tzentru abitadu de Arborea, a s'època denominada Mussolinia. Su tzentru tenet orìgine comente a tzitade de fundatzione, cun unu ruolu rapresentativu e amministrativu a s'internu de su progetu de bonìfica de sa zona de Terrarba. Su giardinu pesat comente a ispàtziu birde a fùrriu a su cale incrarant unos cantos edifìtzios prus rapresentativos de sa tzitade istòrica totora in impreu e bene cunservados.