Chenàbura 8 martzu ricurret sa Die Internatzionale de sos Deretos de sa Donna. A s'ispissu erroneamente definida “Festa de sa fèmina”. Non si tratat difatis de una die in cale tzelebrare su gènere feminile, benesi un'ocasione pro riflètere subra de sas conchistas sotziales, econòmicas e polìticas, ma fintzas subra de sas discriminatziones e sas violèntzias de cales sas fèminas sunt istadas e so ancora ogetu in cada parte de su mundu.
su 8 martzu, in sa data simbòlica seberada pro tzelebrare a sa Die Internatzionale de sos Deretos de sas Fèminas Su Museu de Arte Cuntemporànea Etnogràficu de Buddusò annoat s'invitu a coltivare sa memòria in sos museos, logos de sa memòria colletiva, pro riflètere e sutaliniare s'importu de su chertu pro sos deretos de sas fèminas, in particulare pro s'emantzipatzione issoro, ammentende sas conchistas sotziales, econòmicas e polìticas e giùghere s'atentzione subra de chistiones comente a s'agualidade de gènere, sas discriminatziones e sas violèntzias contra sas fèminas. Nointames sos obietivos cròmpidos e sos resurtados otentos, gràtzias a unu chertu cumintzadu prus de unu sèculu a oe, ancora oe, a dolu mannu, sas fèminas bident sos issoro diritos non reconnotos o apetigados e, in vàrias ocasiones, sunt vìtimas de discriminatziones, pregiudìtzios e violèntzias. S'eventu de su 8 martzu in su Museu de Arte Cuntemporànea Etnogràficu rapresentat a traessu de s'allestimentu cun foto e documentos de archìviu un'ocasione pro educare, riflètere e promòvere, paris cun sos istudiantes e a sas Iscolas de su territòriu, s'annestru a sos valores de su respetu, de sa dignidade de cada indivìduu, sa cultura de s'agualidade, de s'acasàgiu e de s'inclusione a traessu de s'arte.
Inizio:
2024-03-08
Fine:
2024-03-08
Contatti struttura:
Museu de Arte Cuntemporànea Etnogràficu de Budduso
Responsàbile Àrea Sòtziu Culturale Dr.ssa Nadia Bellu
Tel. +39 079 5610038
Curreu eletrònicu: assistentesociale@comunebudduso.ss.it
Gestore de museos Dr.ssa Antonietta Marroni
Tel +39 328 1163940
Curreu eletrònicu: anton.marroni@tiscali.it
Aggiornamento
Dove si trova
8 Mar 2024 - 31 Mar 2024
Commenti