Su primu Otighentos

Oristano, chiesa di San Francesco d'Assisi. Foto di Comune di Oristano, 2007, da Sardegna DigitalLibrary

Su 3 martzu 1799 su re de Sardigna Càralu Emanuele IV de Savoja isbarcat a Casteddu cun una corte de familiares e collaboradores de sighida a sa fua de su Piemonte, invàdidu dae sas tropas de Napoleone Bonaparte.
Sa presèntzia de sa corte in s'ìsula, protrattasi finas a su 1814, de unu chirru imprimet vigore a sa restauratzione polìtica e tzivile, de s'àteru faghet balangiare a sos Savoja unu nou cunsensu.
Cunsensu chi si difundet, mescamente, in sas classes dirigentes, chi ant a tènnere posca unu coinvolgimento in sas fainas de guvernu. Sa presèntzia sabàuda costituit in prus siat un'istìmulu pro sas trasformatziones de su gustu e de sa cultura, siat un'elementu de frenu rapresentadu dae sos bisòngios de una nobilia prebendata e de una grussa burocratzia.
In mèritu a sas trasformatziones culturales est istada de rilevante importu sa figura de Carlo Felice, in antis reghente posca regnante, sa cale atzione at giutu a s'organizatzione de s'annestru pùblicu (fintzas universitària) e a s'espansione de sa vida culturale cun s'istitutzione de unu museu e sa promotzione de sas Bellas Artes.
Intre sos fatores de mudada de sas consuetudini e de su gustu est in rilevare sa revalutatzione – in su raportu de alteridade cun sa tzitade – de su sartu cale risursa econòmica de gestire in manera ratzionale. No est unu casu difatis chi Carlo Felice, durante su suo segundu viceregno, s'istabilit a Villa de Orri, s'abitòriu de sartu de s'amigu suo e cussigeras marchesas Stefano Manca de Villahermosa, situada subra de su Golfu de Casteddu a una bintina de chilòmetros de sa tzitade. Custa noa bisione de sas cosas si contivigiat a prus in su fàbricu de monumentales portales de atzessu a sas propiedades coltivadas e organizadas in azienda.

Aggiornamento

5/8/2025 - 15:28