Testimonias grandiosas de sa romanidade in Sardigna

Frùmini Mayori, Tèmpiu de Antas, fatzada. Foto de Pietro Paolo Pinna, 2009, de Risursas digitales Sardigna IDV

Sa Sardigna romana benit a forte signada dae un'intensu protzessu de ridefinitzione de su paesàgiu pròpiu. Unu de sos tretos distintivos de sas polìticas de dominatzione de Roma est difatis semper istadu su de imprìmere a sos territòrios controllados una forma paesagìstica chi fruniret, giai de unu puntu de bista visivu, un'inequivocabile sensatzione de "romanidade" in cale si siat ala de s'imperu nche s'agataret.
Sas tzitades de fundatzione fenìtzia e pùnica benint gasi in manera progressiva torradas a definire dae intensos protzessos de riurbanizzazione, cun sa realizatzione de noos ispàtzios (comente a s'istampu) e de noos edifìtzios (comente a sos impiantos termales) chi frunirent a sas tzitades noos connotados.
Naschent in sos sartos sas villas, edifìtzios in cales sos sennores meres de sos latifondi o de sos terrinos destinados a s'isfrutamentu agrìculu podiant in manera fàtzile esertzitare un'atentu controllu subra de sas pròpias tentas.
S'intensu isfrutamentu agrìculu a cale sa Sardigna fiat devènnidu sugeta in custa fase giughet dae in antis unu protzessu chi oe diamus pòdere definire de degradu ambientale, giai innescato in sa pretzedente fase de dominatzione pùnica.
Detzisivu pro su controllu de sa Sardigna romana fiat istadu posca s'intensu reticolo viàriu, creadu cun s'ispetzìficu intentu de rèndere atzessìbile e controllàbile ogni àrea de sa noa provìntzia, creada in su 227 a.C. A sa fine fiant istados innalzati numerosos pontes, subra de sos printzipales cursos de abba.
Ateretantu importante est su sistema de acuedutos chi garantiat sa provvista ìdrica pro sos tzentros urbanos, s'ispissu dotados de grandu impiantos termales.

Aggiornamento

3/7/2025 - 11:10