Paleolìticu superiore

Ulìana, sas mandras de su Supramonte. Foto de Domenico Ruiu, 2006, de Sardigna DigitalLibrary

Su coladòrgiu de su Paleolìticu mèdiu a su Paleolìticu superiore est in generale postu in relatzione cun sa cumparta e sutzessiva difusione de sa genia "Homo sapiens sapiens", est a nàrrere cun sa cumparta de grupos umanos cun caraterìsticas fìsicas sìmiles a sas de s'òmine atuale.
In contu de su problema de s'istòria evolutiva de custa genia si cunfrontant duas ipòtesis. Sa prima atribuit a s'Homo sapiens sapiens un'orìgine africana reghente e una sutzessiva migratzione cara a nord-est diat àere pobuladu su restu de su praneta; sa segunda ispiegat imbetzes s'orìgine de custa genia cun un'evolutzione indipendente sua in Àfrica, in Àsia e in Europa partinde dae sas genias umanas giai chi esistint in custas àreas geogràficas. Sa dibata restat comente si siat abertu.
Relativa a su Paleolìticu superiore (35.000-10.000 a.C.) est a su mancu una parte de sos rinvenimentos acontèssidos in su cursu de iscavos sientìficos in sa gruta Corbeddu de Ulìana.
Si tratat de ossos de animales e de sos frammentos de una mandibola e de àteros ossos umanos. Sos animales fiant endèmicos de sa regione sardu-corsicana: su "Megaceros cazioti", unu cervide oramai istudadu, sos cales restos òsseos giughent rastros de traballadura de s'òmine, e su "Prolagus sardus", unu roditore fintzas issu istudadu. Sa datatzione de custos repertos bàntzigat intre sos 20.000 e sos 6.000 annos a.C., sconfinando duncas fintzas in su Mesolìticu.
Su rinvenimentu prus reghente de manufatos inquadrabili in su Paleolìticu superiore est acontèssidu in localidade Santa Maria is Acquas, intre Sàrdara e Mòguru. Si tratat de trastos in seltze datàbiles a inghìriu a 13.000 annos a.C.

Aggiornamento

18/7/2025 - 12:19