Leone Gouin

Leone Gouin naschet in Tours, in Frantza, in su 1829. Lompet a s'ìsula in su 1858 pro istudiare sos problemas presos a su mundu mineràriu, chi etotu in cuddos annos mirat a crèschere in manera detzisa sas produtziones suas cun s'immissione de capitales istràngios, de pagu aende·si averguada in manera massissa.
Su frantzesu lompet a Sardigna cun sa cualifica de ingenieri, ma est un'apassionadu espertu de archeologia e colletzionista de ogetos antigos. Sas Osservatziones "suas subra de sas minas de Sardigna", indiritzadas a sa Cummissione Parlamentare de Inchesta, sunt un'atentu esàmene de sos problemas printzipales chi afigint su setore, in manera potentziale in crèschida, ma vinculadu dae fartas istruturales tales de non nde permìtere s'isvilupu. Lamentat posca sa farta de mentalidade industriale, de cooperatzione intre sas partes; sas minas sardas" abbisognano de medas cunditziones chi inoghe non si tenent: abbistesa e pràtica de s'arte, enormes capitales, perseveràntzia e sovrattutto ispìritu de assòtziu. Como comente a agatare tales cunditziones in unu paisu ue bi tenent propietàrios chi possedint prus pagu de un'ètaru de terrenu, ue s'ispìritu industriale no est pro ancora nàschidu, ue est agiumai impossìbile a pònnere de acòrdiu, intre issos, bator de tales propietàrios?".
Issu incurpat su guvernu de lassare sa Sardigna abbandonada a sos discumbènios suos, de non si curare de sas cunditziones de caminos, ferrovias, canales e de sas abbas a su sòlitu, de èssere tropu ficchidu cun sa burocratzia chi rallentat cun inùtiles formalidades l'istìpulat de sos permissos e de sas cuntzessiones: "Su Guvernu si restringat a cunstatare petzi chi in tale localidade, in sa cale fiat istadu pedidu de operare chirca de minerale, e su susseguente permìtidu, bi si reconnoschet unu giatzimentu metallifero, e null'àteru". S'aùgurat chi sa situatzione bèngiat cantu in antis afrontada cun aficu: "Hassi de uopo de libertade, seguridade, e ispetzialmente chi s'interessu particulare male cumprèndidu, tzedat generosu nanti s'interessu de totus".
Su suo in manera essentziale aparit duncas una mirada dae economista, tiradu a cumprèndere su pisu de sos problemas chi rallentant sa produtzione e abbassanole rèndidas, pagu interessadu a sa situatzione de su mundu operaju chi in cuddos annos in massa acudit cara a s'Iglesiente, andende a costituire una realidade de poberesa e misèria chi abarrat longu tempus disconnota a sa sotziedade de sa segunda metade de s'Otighentos, ma fintzas achirit in su tempus una mentalidade noa e una cussèntzia de tzetu chi at a giùghere a sos abbolotos sotziales de su 1904.

Aggiornamento

25/6/2026 - 13:29