Giovanni Marghinotti

S'òpera prus importante de Giovanni Marghinotti (Casteddu 1798-1865) est "Carlo Felice munifico protettore de sas Bellas Artes in Sardigna". Pessada e abbotzada in su 1829, est firmada e datada 1830; s'arribu suo est cuntestuale a su trasferimentu de su pintore in Casteddu, in s'austu de su 1933. In su cursu de su matessi annu però, in su mese de santandria, est esposta publicamente acanta su Palatzu de Maria Cristina a Torinu, pro posca agatare un'assentu definitivu in su 1834 in su Palatzu de Tzitade de Casteddu.

Sa tela, chi est pintada cun colores a ògiu e tenet dimensiones 300x550 cm, presentat una cumpositzione allegòrica in cale su re Càralu Felice, attorniato de sas figuras simbòlicas de sas virtudes suas (Pace, Giustìtzia, Religione, Fede, Mansuetudine, Caridade), acollit e chistionat cun sas rapresentatziones de sas artes (Pintura, Iscultura, Architetura) introduidas dae unu gèniu aladu, emblema de sa Sapièntzia.

S'òpera resurtat de elevada calidade siat pro sa maestria cun cale est risòlvida sa cumpositzione e s'organizatzione de s'ispàtziu – sunt presentes difatis batòrdighi figuras distribuidas in duos grupos printzipales – siat pro sa finezza de sas formas, siat pro sa sensibilidade cun cale sunt giogados sas ogradas e sas movenze de sos pessonàgios de cales traspaiono velatamente sentimentos e pensamentos.

Est ladinu duncas non petzi sa profunda presa subra de su Marghinotti de sos modellos de su Setighentos in sa cuntestuale adesione a sos èsitos puristas de su neoclassitzismu, ma fintzas su sentidu de s'òpera, chi, mentras serrat sa fase de s'arte in Sardigna suta de su regnu de Càralu Felice, at a sighire a difùndere sos messàgios suos de adesione a sa Restauratzione suta su de Carlo Alberto.

Aggiornamento

25/9/2023 - 16:13