Sas iscritziones semìticas

Su primu mentovu de su nùmene "Sardigna" si leghet in s'iscritzione semìtica de sa stele de Nora, datàbile a su VIII sec. a.C. No est unu casu chi fintzas in Sardigna s'iscritura cumpàrgiat in assòtziu cun s'ateretantu importante fenòmenu de sa nàschida de sa tziviltade urbana, e no est fortzis unu casu chi sa tziviltade nuràgica no apat praticadu nen sa forma urbana ne l'iscriturat.

Sa nàschida de s'iscritura, acontèssida in Mesopotàmia in su de IV millènnios a.C. cun s'iscritura cuneiforme, rapresentat una de sas tapas fundamentales de s'istòria de s'umanidade. S'iscritura difatis aiat cunsentidu una gestione eficatze meda de informatziones, chi finas a cuddu momentu deviant èssere afidadas a sa trasmissione orale.

Est però in àmbitu semìticu chi aiat tentu orìgine s'iscritura alfabètica (nointames su tèrmine "alfabetu" derivet de sos nùmenes de sas primas duas lìteras de s'afabeto gregu "alfa" e "beta" apuntu), chi fiat devènnidu bene chitzo una de sas grandu risursas culturales de su mundu fenìtziu.

S'iscritura alfabètica si fiat riveladu difatis unu trastu meda prus brandu e eficatze de sas unas àteras formas de iscritura elaboradas finas a cuddu momentu e aiat rapresentadu tzertamente una de sas printzipales risursas culturales subra de cales sos Fenìtzios aiant pòdidu contare in s'impostare sa pròpia intensa e articulada economia mercantile.

S'arribu cussorgiale in Sardigna de sos Fenìtzios signat s'intrada in s'ìsula de formas de iscàmbiu culturale imperniate etotu subra de s'iscritura, determinende una progressiva mudada de sos echilìbrios locales atzentrados imbetzes subra de s'oralidade (sena non pro àteru lòmpere mai a remplasare de su totu tale sistema).

Aggiornamento

20/9/2023 - 10:57