Robert Tennant

Mèritat de èssere in manera breve tzitadu una "mirada" diferente subra de sa Sardigna chi est su de s'inglesu Robert Tennant, chi si diferèntziat, respetu a medas biagiadores suos cuntemporàneos, pro s'acostamentu cun su cale afrontat su biàgiu suo, detadu difatis de s'èssere un'incarrigadu de una sotziedade cummertziale chi cheret sondare sa possibilidade de investimentos in s'ìsula. Benit prus pagu duncas - a su mancu in parte - su leitmotiv de s'ìsula ismentigada e misteriosa, sa terra disconnòschida e enigmàtica de esplorare romanticamente.
Issu lompet a Sardigna in su 1885 e pro persighire sa fine sua la bìsitat in longu e in largu, si documentat minuziosamente e toddet e cunfrontat dados, istatìsticas, documentos; pigat cuntatu cun sas autoridades locales ma non discuidat sos propietàrios terrieri, sos cummertziantes. Non cheret però si limitare a compilare pàginas istatìsticas in manera pura e creschet bene chitzo sos orizontes suos: bìsita cun prus cura e atentzione sos paisos e non si lìmitat a sos datos cummertziales ma nd'osservat sas costumàntzias, sos costùmenes e sas cunditziones de vida; pràticat sa cassa a su sirbone e a su mugrone, bivende in manera crispa s'ìsula paritzos meses. Su tìtulu finale de s'òpera at a èssere "Sardinia and its resources". Gasi in unu passu subra de sas festividades religiosas: "Cada die totu sa durada de sa festa s'acumprint servìtzios religiosos e si tzèlebrat sa missa, ma intre una tzerimònia e s'àtera, e finas a note arta, e a s'ispissu finas a sas primas lughes de s'arbèschida, s'indulge in cada tipu de disaogu. Sas fervide espressiones de ringratziamentu pro su sanamentu de un'anca segada o de unu coro infranto, s'amantiosa sùplica pro sa torradura o sa sostitutzione de unu porcu pèrdidu, de s'amadu o de su maridu, su lamentu disperadu de cussos chi no ant mai connotu sas ditzas o sos dolos maternos e sas ùmiles sùplicas de sollievu durante sa gravidàntzia, unidos a sa promissa bàndida de non si fàghere agatare prus in sa matessi doliana situatzione, paris cun sos abbolotos indiscriminados de sos disaogos e de sas festas, formant unu curiosu e iscuncordu cuntrastu chi si ripercuote subra de sas origras e subra de sos sentidos e nche faghet pessare a sos prus disparati sentimentos chi devent àere ispintu totus cuddas pessones a s'agatare paris".

Aggiornamento

25/6/2026 - 13:21