Noos isvilupos architetònicos

In su 1948 Casteddu devenit cabulogu de sa Regione Autònoma de sa Sardigna. Custu eventu gènerat un'inevitàbile dibatu subra de su ruolu chi sa tzitade diat àere dèvidu rivestire in futuru.

Su dibatu bantzigaiat intre diferentes, possìbiles seberadas: privilegiare sa ricostrutzione lestra a su fine de ofèrrere una cuncreta risposta a su problema de sos sena cobertura, opuru intentare unu nostàlgicu riprìstinu de sa cunfiguratzione urbana guastada a càusa de sa gherra.

Su pranu de ricostrutzione benit redatadu in su 1945 e aprovadu duos annos a pustis. Sèberos programàticos pretzisas prevìdidas dae su pranu, comente a sa noa rete viària de su tzentru istòricu o su mudamentu de unos cantos servìtzios, no aiant agatadu atuatzione. Si fiat prefertu puntare cara a una ricostrutzione de apretu, s'ispissu detada dae sèberos urbanìsticos dudosas e in manera estètica carenti, ma chi s'ammustraiant adeguadas a unu riprìstinu lestru e pagu onerosu de su puntu de bista econòmicu de sa funtzionalidade urbana de sa tzitade.

In unu sìmile iscenàriu, non podiant mancare sas ocasiones de chistione. Fiat istadu su casu, a esèmpiu, de s'inauguratzione de duos edifìtzios pro sos ispetàculos: su "Cinegiardino" a s'abertu e su Teatru "Massimo" (1944-47). Su sèberu de indiritzare risursas pro sa realizatzione de tales edifìtzios fiat istadu cuntestada ca si reteniat andaret a discapito de unas àteras prioridades, comente a sa Passigiada coberta, s'Anfiteatru romanu o sas tumbas pùnicas de sa necròpoli de Tuvixeddu.

Pro cantu pertocat sa viabilidade tzitadina, bisòngiat cunstatare chi sos primos interventos (su sventramento de sa bia Santa Margherita e s'abertura de sa bia Mameli) aiant tentu logu solu in su 1957, pagu in antis de s'iscadèntzia naturale de su pranu de ricostrutzione.

Sa faina edilìtzia fiat istadu meda intensa, cantu prus pagu de unu puntu de bista in manera istrinta cuantitativu. Fintzas de custu puntu de bista però, sa majore ala de sos interventos fiat istadu ghiada dae sa presse ricostruttiva e de sa sustantziale ausèntzia de una sèria programatzione.

Aggiornamento

10/9/2023 - 15:59