Sas relatziones cun su continente itàlicu

Su coladòrgiu de su Regnu de Sardigna de sos Asburgu de Ispagna a sos Savoja, pro cantu attiene s'arresonu subra de sos produtos artìsticos, non cumportat sustantziales mudadas belle sos traditzionales raportos cun sas tzitades italianas de su Mediterràneu, fata etzetzione naturalmente pro s'insertada in su cuadru culturale de sos sèberos estèticos de sos noos soberanos.

Nointames lu persìstere de unu gustu artìsticu de derivatzione ibèrica, s'assistit, pro cantu pertocat sas cummissiones, a unu progressivu istàgio de s'Ispagna e a unu s'intensificare de relatziones cun Nàpule, Gènova e Roma.

Contina duncas s'importatzione de òperas ibèricas cando chi sa difusione issoro tèngiat logu in sos piticos tzentros de s'internu, istatziones perifèricas in cales sa resistèntzia oposta a sas novidades polìticas e culturales de su nou guvernu est prus forte e ue resurtat prus fàtzile isfugire a su controllu missu in atu in sos tzentros majores.

Est difatis crara dae deretu sa voluntade a banda de sa classe dirigente piemontesu de operare cambiamentos radicales a s'internu de su cuntzetu de s'arte invalsa in Sardigna, comente a dimustrat su ruolu afidadu a sos ingenieris militares chi, ultres a s'ocupare de sa reorganizatzione de sas fortificatziones e de sas turres litoranee, sovrintendono a su fàbricu de crèsias, cunventos e edifìtzios tziviles, operende in tale modu unu progressivu càmbiu de sos sistemas costrutivos gòticos de sos "picapedrers" e de sos maistros muradores cun cuddos piemontesos, cun una ripercussione fintzas subra de su sèberu de sos materiales.
Si tratat però de una polìtica culturale accentratrice chi petzi a bellu finit pro influire in su tessutu culturale.

Aggiornamento

25/9/2023 - 16:10