Sa cultura sarda a su bìviu

Òpera materico pitòrica de s'artista Italo Medda, 1996 ca.), de sardegna Digital Library

Sa creatzione de su Regnu de Itàlia aiat ispintu sa Sardigna ancora de prus cara a su baricentro culturale de sa penìsula italiana. Sa partetzipatzione a s'unificatzione e a sa creatzione de custa noa natzione aiat creadu in s'ìsula una situatzione de estremu dinamismu, ma aiat postu fintzas in lughe sas debilesas istruturales suas de su puntu de bista sotzio-econòmicu.
Sa privatizatzione de sas terras (mègius connota comente a "lege de sas chiudende) si fiat trasformadu in un'immensu afare de discriminatzione sotziale chi aiat impoveridu in manera majore sa populatzione. S'elevadu tassamentu, sa polìtica protezionistica in favore de su Nord Itàlia industriale, sa colonizatzione minerària, sos trasportos internos e esternos inesistentes, sa poberesa de sos sartos rendiant sa situatzione semper difìtzile.
De contra, s'apartenèntzia a un'Istadu unitàriu daiat unos cantos avantàgios. In particulare, s'iscola elementare fiat devènnidu una realidade difusa e sa literadura aiat cumintzadu, a bellu ma inesorabilmente, a devènnere patrimoniu comunu. S'analfabetismu aiat diminuidu e s'italianu fiat devènnidu una limba sa cale connoschimentu, belle precària, si fiat difùndidu fintzas in sos pìgios populares.
De cunsighèntzia, in s'ìsula sa modernidade benit veiculada in custa limba, mentras cudda sarda tirat a torrare a dae segus, mancari ancora in manera larga majoritària in sa populatzione. Medas iscritores de balore aiant adotadu sa limba ufitziale de s'"Itàlia de sas natziones".

Aggiornamento

18/7/2025 - 10:20