Genoni, fortificatziones pùnicas de Santu Antine

Genoni, Fortificazioni puniche di Monte Santu Antine

Sa fortificatzione pesat subra de su Monte Santa Antine, ala de sa giara de Gèsturi aende·si aorada de custa pro erosione. Est in positzione istratègica e dòminat s'àrea de transitzione de sas fertiles terras de s'Arborea e de sa Marmilla a s'internu montagninu.
S'insediamentu pùnicu aiat pesadu in s'àrea de unu pretzedente abitadu de edade nuràgica, ca sas istruturas istupadas dae sos iscavos testimòniant su riuso de diversos elementos istruturales de s'istantziamentu indìgenu. Sunt difatis a su presente visìbiles una chirra megalìtica e unu nuraghe torradu a adatare e insertadu in unu tratzadu muràriu chi aparit galu de prus inghiriadu dae una lìnia fortificada.
Custa sighit sa pibirista de su monte e mustra in su suo tratzadu bator grandu turres esternas a pranta quadrilatera, meda ravvicinate.
Intre sas turres campeggia cudda E, su cale basamentu fiat istadu impreadu in su medioevu pro bos pesare una pitica crèsia. Su basamentu est costruidu in basalto, cun una tècnica edilìtzia de su totu sìmile a cudda de sas fortificatziones pùnicas de Sulky, Monte Sirai e Terranoa. Custa istrutura costituit s'aspetu prus appariscente e imponente de sa fortificatzione pùnica, datàbile a su sèculu IV a.C.
Àteru importante elementu est unu putzu de dàbile edade nuràgica e de dàbile impreu sacru, postu a m 70 a O de su torrione cuadrangulare. Su putzu est costruidu cun contzas bene modellados in calcare e vulcanite, tenet sa notèvole profundidade de belle 30 m e at torradu una grandu cantidade de materiales de edade nuràgica, pùnica e romana.

Istòria de sos iscavos
Su giassu fiat istadu interessadu dae esploratziones topogràficas intre su 1968 e su 1970. In su 1982 fiat istadu fatu un'interventu de iscavu a òpera de Francesco Guido.

Bibliografia
G. Lilliu "Relazione generale", in Atti del XIII congresso di Storia dell'Architettura (Sardegna) (Cagliari, 6-12 aprile 1963), Roma, 1966, pp. 26-89;
F. Barreca, "Genoni (Nuoro). Loc. Sant'Antini", in I Sardi. La Sardegna dal paleolitico all"età romana, a cura di E. Anati, Milano, Jaca Book, 1984, p. 201;
F. Guido, "Genoni località di Sant'Antine. Fortificazione punica: il pozzo", in Bollettino d'Archeologia, 13-15, 1992, p. 208;
F. Guido, "Figure in bronzo dal pozzo di Santu Antine", in Phoinikes B Shrdn. I Fenici in Sardegna: nuove acquisizioni, catalogo della mostra (Oristano, Antiquarium arborense, luglio-dicembre 1997), a cura di P. Bernardini-R. D'Oriano-P.G. Spanu, Cagliari, La Memoria Storica, 1997, pp. 63-64.

Comente arribbare
Dae Casteddu si sighit sa SS 131 finas a km 40, posca si pigat sa SS 197 finas a Nuragus e duncas si girat a s. sighende pro belle 3 km su caminu pro s'abitadu de Genoni. De custa localidade si crompet unu grandu serbatoju ìdricu a N/O de su paisu, visìbile fintzas a distàntzia. De custu puntu s'arribbat, a pees, in pagos minutos, a s'apranada de su Monte Santa Antine, in localidade Santu Perdu, ue s'agatat sa zona archeològica.