Gaetano Cima

Casteddu, Ospidale Tzivile. Foto de Sardigna Foto Aèreas - Ortofoto e Dati cartogràficos © Agea, Totu sos deretos riservados

In s'istòria de s'architetura sarda, s'architetu Gaetano Cima òcupat unu logu de assolutu rilievu, comente a testimòniat su fatu chi issu apat acumpridu in manera eficatze in sa segunda metade de s'Otighentos unu ruolu de mastru siat in calidade de dotzente a s'Universidade de Casteddu siat, prus in generale, pro s'eficatzidade esemplare de sos produtos de sa faina professionale pròpia, assùmidos dae medas architetos coevi comente a belle craros modellos.
S'architetu Gaetano Cima naschet in Casteddu in su 1805 e morit in sa matessi tzitade nadale in su 1878. Fiat istadu su primu architetu sardu a printzipiare istùdios regulares in Torinu, posca creschidos e cumpletados a s'Acadèmia de Bellas Artes de Roma. Custu percursu suo de formatzione, chi potzamus definire sena duritare "canònicu", fiat istadu tzertamente determinante in s'imprìmere a sa faina sua unu craru arrastu de rigore professionale.
Concuso su perido de formatzione, tenet cumintzu sa collaboratzione sua cun s'amministratzione pùblica, in particulare comente a collaboradore de su Cominotti in su Gèniu Tzivile, e comente a diretore de s'Ufìtziu Tècnicu de su Comunu de Casteddu. Custos aficos, de notèvole responsabilidade, rapresentant però a su tempus matessi pro Gaetano Cima importantes oportunidades de crèschida professionale, dèvidos fintzas a s'istraordinària congiuntura istòrica in cale issu s'agatat a operare a Casteddu, in su momentu est a nàrrere in cale sa tzitade s'agatat a fàghere sos contos cun noas e detzisivas chistiones, comente a sa ridefinitzione de su ruolu polìticu pròpiu a livellu "natzionale", de s'istatutu suo de piazzaforte marìtima e de tzitade portuale aberta cara a orizontes mediterràneos, tzentru de iscàmbios cummertziales e duncas fulcro potentziale de un'ampra regione.
Aiat costruidu o aiat intervènnidu in parte subra de crèsias (San Giacu de Casteddu, crèsia parrochiale de sa Mama de Deus de Guasila, San Frantziscu de Aristanis), palatzos e villas de nòbile de sos cànones palladiani (Villa Santa Maria a Pula, de propiedade de sa famìlia Cugia, e Villa Aymerich a Làcana), teatros (teatru tzìvicu de Casteddu, andadu distrùidu in sos bombardamentos de su 1943). Ma sa sua prus importante òpera fiat istadu su monumentale Ispidale tzivile de Casteddu, de istile in manera rigorosa neoclàssicu, modernu meda pro s'època (1842).
Fundamentale fiat istadu fintzas s'òpera de su Cima in campu urbanìsticu. Su progetu de assentu urbanìsticu de Casteddu, aende·si definidu cun mudas a pustis de su 1861, bidiat comente a elementos architetònicos emergentes su palatzu comunale, in gustosu istile Liberty, e sa terratza neoclàssica Umbertu I, pesada subra de su logu de s'aterradu bastione de St. Remy.
In sìntesi est possìbile afirmare chi Gaetano Cima, operende a s'insegna de una tzifra architetònica contrassegnata de unu pacato ratzionalismu, fiat devènnidu bene chitzo un'autorèvole puntu de riferimentu in s'àmbitu de s'architetura isolana.

Aggiornamento

13/1/2026 - 15:56