Architetura de su pustisgherra

Fù sa tzitade de Sassari a esordire cun su primu "gratachelu", costruidu in sa pratza Castello a sas làcanas de su nùcleu antigu, cun un'interventu sconvolgente non diferente meda de s'atzione de su "picone risanatore" interrùmpida pro sa sopraggiunta gherra. A su matessi modu, fintzas sas àteras tzitades de s'ìsula, Casteddu, Igrèsias, Aristanis etc., fiant istados contagiadas dae custa noa casta multipiano.

In contu de sos edifìtzios religiosos, nointames sos providimentos contra sa gherra aèrea, chi in calicunu modu diant àere dèvidu amparare sos edifìtzios monumentales, fintzas a Casteddu sas bombas aiant iscalabradu in modu a bortas irreparàbile diversas importantes crèsias.

Si fiat postu tando su problema de su riprìstinu o de sa ricostrutzione, risòlvidu posca in modu diferente in relatzione a sas vàrias situatziones, tantu de rispecchiare sa prassi generalizada de s'interventu "casu pro casu", chi s'ispissu aiat giutu a eludere sos printzìpios de sa Carta de su Restàuru decretados deretu in antis de sa cuntierra mundiale, a fronte de eventos imprevistos e inèditos cales sos disacatos de gherra.

Su Gèniu Tzivile, suta de s'amparu de su Proveditoradu a sas Òperas Pùblicas aiat tentu unu ruolu detzisivu: interventos cun noas tecnologias, mudamentos de istruturas recuperadas dae sas macerie in unos àteros monumentos, simpres riprìstinos de istruturas, ma non de decoraduras, torradas petzi in sas sagome, trasformatziones de impreu sunt unas cantas intre sas prus fitianas operatziones afrontadas. Pagas aiat pedidu fiant istados ripristinadas segundu su critèriu "ue fiat e comente fiat" (Sant'Anna, San Giuseppe), una fiat istadu torrada a costrùere in formas de su totu diversas (su Carmine), àteras fiant istados derrùidas galu de prus pro dissestos istàticos beros o presumidos (Santa Margherita, Santa Lughia, San Giorgio), una fiat istadu trasformada in auditòrium comunale (Santa Teresa).

Mèritant però un'atentzione particulare a su mancu tres interventos risoltos in modu diferente: sa crèsia tardogòtica de San Domenico, recuperada cun un'intelligente proposta intre antigu e modernu de Raffaello Fagnoni, sa crèsia de sos SS. MM. Giorgio e Caterina, torrada a costrùere ex novo in tutt'àtera ala de sa tzitade, de sighida a sa prassi de trasferire su tìtulu de antigas crèsias a noas parròchias, comente a aiat acontèssidu pro sa de tres, Santa Lughia, chi de crèsia de confraternita de su bighinadu de sa Marina fiat devènnidu parrochiale de s'oramai populosu rione de San Benedetto.

Aggiornamento

10/9/2023 - 16:01