S'istatuària

Istàtua maschile loricata, cultura romana. Foto de Nicola Monari, 2009, de Catàlogu BBCC RAS

Sas isculturas rapresentant una de sas formas de arte prus importantes intre sas prodùidas dae su mundu culturale romanu. Si tratat de unu gènere artìsticu chi aiat subidu, fortzis prus de àteros, s'influèntzia forte meda de s'isfera culturale grega, a cale Roma si volse pro orire istìmulos e impòsitos belle craros. Medas de sas isculturas romanas non so àteru difatis chi còpias de originales gregos.
Sa realizatzione de custas òperas acontessiat subra de cummissione de esponentes de sas classes prus chi istant bene de su mundu romanu chi, meda a traessu de su possessu in sas pròpias ricos abitòrios de òperas de arte de vàriu gènere (originales o, prus a s'ispissu, còpias), cheriat manifestare s'apartenèntzia a un'ispetzìficu status culturale e econòmicu.
Fintzas in Sardigna tenimus testimonias de custa ispetzìfica forma de arte, pro sa veridade prusaprestu esigue de su puntu de bista cuantitativu.
In particulare sunt istados atzapados siat re-tràidos, una de sas formas prus tìpicas intre sas praticadas in àmbitu romanu (impreadas comente a poderosu trastu de propaganda), siat isculturas rapresentantes figuras a totu tondo.
Pro cantu pertocat su problema de s'identificatzione de sas butegas chi aiant realizadu sas òperas iscultòreas atzapadas in Sardigna, paret prevàlere, a s'istadu atuale de sos connoschimentos nostros, s'ipòtesi chi las bidet comente a òperas de artistas operadores in Roma.
Informatziones prus pretzisas diant pòdere bènnere dae sas anàlisis de sos màrmaros impiegados pro realizadas sas isculturas atzapadas in s'ìsula.

Aggiornamento

25/5/2026 - 13:35