Sa rete istradale

Su controllu romanu de sa Sardigna fiat istadu basadu innanzi totu subra de s'imponente e efitziente rete viària. Su sistema fiat bènnidu, cun ogni probabilidade, impostadu subra de sos percursos istradales giai tratzados in sa pretzedente època fenìtziu-pùnica, a cale si fiant agiuntos pontes e bias de giuntura intre sas tratas printzipales e sas de penetratzione pro agiuare s'atzessu e tando su controllu de sas zonas internas.

A garantire s'atòliu de sos mudamentos subra de sa rete istradale deviant èssere sas vàrias istatziones de pàsida (sas gai naradas "mansiones") in cales sos biagiadores (in martza siat pro resones privadas siat pro acumprire mansiones pùblicas) podiant agatare ristoro, sustentu e caddos friscos pro sighire su biàgiu.

Su printzipale asse viàriu de sa Sardigna romana era sa chi collegaiat Casteddu a Portu Turre e fiat istadu in grandu ala ricalcadu in su tratzadu de sa de oe "Carlo Felice" (SS 131).

Unos àteros importantes assos viàrios deviant èssere sa litoranea orientale, su caminu internu de penetratzione militare e de controllu de sa Barbagia, sa litoranea otzidentale e sa variante de Sulci a Karales. Sos truncos printzipales fiant collegados intre issos mediante "diverticula", destinados a innervare su territòriu.

Aggiornamento

22/9/2023 - 10:44