Paleolìticu inferiore

S'istòria de sa presèntzia umana in Sardigna cumintzat in su Paleolìticu inferiore, comente a testimòniat su rinvenimentu de ogetos in pedra datàbiles intre 450.000 e 120.000 annos a oe.

Si tratat de ogetos in seltze e quarzite bènnidos de sa regione setentrionale de s'Anglona, de sas localidades de Giuanne Malteddu, Interiscias, Laerru, Preideru e Rio Altana. Si tratat de unos seschentos ogetos, intre cales bicas, bulini, grattatoi, puntas, raschiatoi, inquadrabili tipologicamente in sas indùstrias dae pedra classificadas cun sos nùmenes de clactoniano e tayaziano. Cun s'espressione indùstria dae pedra si cumprendet s'ammenta de sas tècnicas e de sas fainas a traessu de cales unu grupu umanu trasformat sas matèrias primas pro otènnere de sos ogetos. A prodùere custu gènere de manufatos fiant istados cun probabilidade indivìduos chi apartenent a sa genia Homo erectus.

Un'ulteriore rinvenimentu chi mèritat de èssere signaladu est cuddu acontèssidu in sa gruta Nurighe de Cherèmule, in su Logudoro. Una falange umana cumpleta de su pollice cun datatzione proposta de 250.000/300.000 annos a in antis Cristu.

Aggiornamento

25/10/2023 - 14:37