Sos portos

Òstia, pratza corporatziones turritanos

Sa Sardigna fiat bènnidu sutaposta in edade romana a un'intensu isfrutamentu siat agrìculu siat mineràriu. Pretziosa duncas s'aiat dèvidu rivelare sa capatzidade de assegurare su tràficu marìtimu pro su trasportu de sas risursas coberadas in s'ìsula de canalare in sa rete de tràficos cummertziales, meda froridos in edade romana.
Roma aiat tentu in particulare cunsideru sas tzitades costeras fundadas dae sos Fenìtzios comente a Karales, Sulci, Nora, Tharros, e ne impiantò de noas. In totus aiat provididu a realizare noas istruturas portuales.
Digna de nota sa noa de sa presèntzia a Karales de una base militare de sa flota de gherra, chi cumprendiat marineris sardos, egitzianos, traci, dalmati. Ateretantu interessante sa noa chi de sa Sardigna acudiat su majore nùmeru de marineris de sas flotas romanas.
Puru no essende nòdida pro sa Sardigna s'esistèntzia de beras e corporatziones pròpias de apaltadores de trasportu marìtimu, iscamus chi a Ostia deviant bos èssere de sos "Navicularii et Negotiatores" (apaltadores de trasportu marìtimu, apuntu) bènnidos de Karales (Casteddu) e Turris Libisonis (Portu Turre).
De s'importu e de su notèvole volùmene de sos tràficos marìtimos sunt in fines testimonia sos càrrigos de sos relitos de naves onerarie, chi paris a sas vàrias classes de repertos archeològicos (tzeràmicas, bidros, metallos) documentant s'ampru raju de sas sacas e de sas importatziones.

Aggiornamento

24/10/2025 - 15:48