Sos negòtzios

Comente iscumproant cun evidèntzia manna sas fontes archeològicas, su negòtziu rapresentaiat sa fonte printzipale de sustentu pro sas tzitades fenitzas. No est tando sena resone sa fama conchistada in s'antighidade dae sos Fenitzos, chi nche los aiat leados a andare oru·oru totu su Mediterraneu, ma finas a nche colare s'istrintòrgiu de Gibilterra, in sa costa atlàntica de s'Àfrica.

Comente iscumproant cun evidèntzia forte sas fontes archeològicas, su negòtziu rapresentaiat de seguru sa fonte printzipale de sustentu pro sas tzitades fenitzas.

No est tando sena resone sa fama conchistada in s'antighidade dae sos Fenitzos pro sas atividades de negòtziu bundantes, chi nche los aiat leados a andare oru·oru totu su Mediterraneu, ma finas a nche colare s'istrintòrgiu de Gibilterra, in sa costa atlàntica de s'Àfrica.
Relatzionada est a manera crara cun sas pràticas de negòtziu fiat a su matessi tempus s'abilidade nòdida de navigare e su de fabricare naves pro su cummèrtziu e pro sa gherra.

Indispensàbile pro una conduida bona de sas atividades de negòtziu issoro fiat istada sa nàschida de una retza ampra de mercados cummertziales in totu sas regiones tocadas dae sos tràficos. Su de fraigare sos empòrios fiat bènnidu in antis de sa fase coloniale verdadera e nd'aiat rapresentadu, de unu bessu, su presupostu.
Intre sas regiones interessadas siat dae custu primu fenòmenu insediativu siat dae sa fase sighente de colonizatzione bi fiat de seguru finas sa Sardigna.
Sas resursas presentes in s'ìsula chi aiant interessadu sos Fenitzos fiant de casta diferente, ma de seguru, intre custas, importu de rilievu aiant dèpidu tènnere sos metallos (prumu, ràmene, ferru, prata).

Aggiornamento

11/5/2023 - 16:44