ISRE - Documentos e fotografias

Sas fainas de digitalizatzione acanta s'Istitutu Superiore Regionale Etnogràficu (ISRE) cumprendent in prus de 300.000 documentos de diversas colletziones istòricas, bènnidas de lassas e achirimentos, cunsistentes pro sa majore parte in documentos manuscritos, libros e rivistas, cartulinas incraridas de època, intzisiones e istampas e una bundante collida de fundos fotogràficos, in parte chi torrat a artziare a sos primos de su Noighentos cumprensiva de negativos subra de lastra e subra de pellìcula e istampas fotogràficas, in parte de època cuntemporànea.

S'Istitutu Superiore Regionale Etnogràficu (ISRE)
S'ISRE fiat istadu istituidu cun Lege regionale 26/1972 cun atacadu su Museu de sa vida e de sas traditziones populares sardas. Sas finalidades de s'ente sunt s'istùdiu e sa documentatzione de sa vida sotziale e culturale de sa Sardigna in sas manifestatziones traditzionales suas e in sas trasformatziones suas. Sa faina s'àtuat a traessu de un'articulada sèrie de còmpitos e funtziones, intre cales: sa gestione de su Museu regionale de sa vida e de sas traditziones populares sardas oe denumenadu Museu de su Costùmene (Nùgoro), de su Museu Deleddiano (Nùgoro), de su Museu Etnogràficu Regionale-Colletzione Luigi Cocco (Casteddu, Biddighedda de su Musei); sa gestione de sa Mediateca. S'Istitutu curat s'allestimentu de mustras e cunvegnos, giughet istùdios e chircas e realizat produtziones audiovisivas e tzinematogràficas inerentes a sos àmbitos istitutzionales.

Sa mediateca
S'Istitutu cunservat unu mannu meda patrimòniu libraju e documenta·las regortu in su cursu de su tempus tràmite achistos e lassas. Sa mediateca est partzida in duas setziones. L'Archìvio fundos istòricos chi cunservat diversas colletziones de interessu istòricu–archivìsticu bènnidos de lassas e achistos chi cumprendent numerosos manuscritos, una setzione iconogràfica (cartulinas incraridas de època, intzisiones e istampas). S'Archìviu visivu e sonoru: galu de prus partzidu pro sustennu e casta in video-filmoteca, diat-fototeca, documentos sonoros.

Sa digitalizatzione
Sas colletziones ogetu de digitalizatzione cumprendent sas sighentes risursas de s'Archìviu fundos istòricos e de s'Archìviu visivu e sonoru:

Fundu Raffaele Ciceri: Negativos subra de lastra Istampas fotogràficas
Fundu Guido Costa: Negativos subra de lastra, Negativos subra de pellìcula, Istampas fotogràficas
Fundu Piero Pirari: Istampas fotogràficas, Negativos subra de pellìcula, Negativos subra de lastra
Fundu Giulio Pili: Negativos subra de lastra
Fundu Wolfgang Suschitzky: Istampas fotogràficas, Negativos subra de pellìcula
Fundu Jean Dieuzaide: Istampas fotogràficas, Diapositivas
Diapositivas miscellanea
Volùmenes Raros
Volùmenes ante 1939
Fundu Grazia Deledda: Lassa Madesani, Lassa Porcu Clemente, Lassa Neppi Modona, Lassa Galli, Achistu Carteggio Ganga Deledda, Lassa Pinna, Achistu Madesani, Achistu Pirodda
Fundu Giorgio Asproni lassa Dolfin
Produtzione editoriale ISRE
Cartulinas Colombini e vàrias
Periòdicos Dono Madesani
Periòdicos Sardigna
Istampas biblioteca
Cuotidianos
Registros copialettere Deledda
Fundu Pes de Villamarina
Studios e chircas

Pro aprofundimentos subra de sas fainas de s'Istitutu superiore regionale etnogràficu si tasit a su situ de s'ISRE, pro s'istòria e sas peculiaridades de sas colletziones chi ant a èssere ogetu de digitalizatzione si rinviat a sas pàginas dedicadas a s'Archìviu visivu e sonoru.

Aggiornamento

3/7/2025 - 16:47