S'ecletismu

In s'anàlisi de sas testimonias de s'architetura neomedioevale, segundu unu cuntzetu de revival de su passadu, est possìbile si rèndere contu de sa presèntzia capillare issoro in totu sa Sardigna, in logos fintzas aorados, in raportu cun sas prus diversas castas chi abbratzant edifìtzios religiosos, fàbricos tziviles pùblicas e privadas, edifìtzios industriales, monumentos funeràrios.

In s'istùdiu de sas vàrias fases architetònicas, paret belle chi sa Sardigna apat remòvidu un'intreu perìodu de s'istòria sua, mancari posca totu andat collocadu in su prus generale disinteressu pro s'architetura de sos duos ùrtimos sèculos, a etzetzione de sa de Gaetano Cima.

In s'anàlisi de sas testimonias de s'architetura neomedioevale, segundu unu cuntzetu de revival de su passadu, est possìbile si rèndere contu de sa presèntzia capillare issoro in totu sa Sardigna, in logos fintzas aorados, in raportu cun sas prus diversas castas chi abbratzant edifìtzios religiosos, fàbricos tziviles pùblicas e privadas, edifìtzios industriales, monumentos funeràrios. Respetu a sos àteros s'istile Neogòticu tenet un'ispàtziu detzisamente ampru e a su mancu in comintzu, in diversas tzircustàntzias, contat subra cummitentes istràngios o non sardos: est su casu de un'intre sos prus significativos edifìtzios, su Palatzu Giordano Apòstolos, pesadu a Sassari de su 1878 subra de progetu de Giuseppe Pasquali e Luigi Fasoli pro unu ricu imprendidore chi aiat chertu non petzi s'edifìtziu ma fintzas s'arredu e sas decoraduras internas ispirados a critèrios istilìsticos.

Est custu su primu e prus visìbile intre sos edifìtzios neogòticos, siat pro sa positzione privilegiada in sa noa pratza de Itàlia, siat pro s'interpretatzione "frorida" de s'istile chi subit unas cantas contaminatziones: si sas aberturas a bifora e a monofora trilobate de sa fatzada sunt canònicas, su basamentu a bugnato e sas colunnas chi reent su curridore sunt inserti àulicos chi si cumpletant cun sa minuziosa atentzione a sas minudas siat in s'esternu chi a s'internu.

Bàgiant sos richiamos a sos dragos bronzei a sos chirros de su portale o sas ferradas de su pranu terra, overas a sa rica decoradura pitòrica realizada dae Guglielmo Bilancioni cun sugetos mitològicos chi in calicunu modu devenint su contraltare de sos pintados ispirados a sas glòrias de sa pàtria de sa Sardigna, esecutados dae Giuseppe Sciuti in su salone de su Palatzu de sa Provìntzia.

Aggiornamento

10/9/2023 - 15:55