Ispàtzios urbanos e architeturas monumentales

Leoni de Sulky ancora in logu (de http://www.archeotur.it/santantioco/immagini/category/3-museo-archeologico.html).

S'arribu de sos Fenìtzios in Sardigna est testimoniadu dae sa cumparta de un'importante novidade de natura architetònica: sa fundatzione de sas tzitades.
Sa tziviltade nuràgica difatis, sende chi aeret tentu intensos e continuativi cuntatos cun tziviltade coeve (comente a sos Micenei) chi etotu subra de su mòdulu insediativo urbanu aiant fundadu s'identidade polìtica pròpia, sotziale e econòmica, aiat seberadu comente a fòrmula abitativa su bidditzolu.
Sas tzitades fenìtzias, tramudadas prevalentemente (ma non petzi) subra de sas costas sardas, introduint in s'ìsula sos ischemas urbanos de sa madrepàtria e, cun issos, sas fòrmulas edilìtzias.
Suta de custu profilu, sa printzipale innovatzione respetu a sos ischemas edilìtzios praticados in edade nuràgica est rapresentadu dae su coladòrgiu de su fundu tzirculare, tìpica de sa cultura nuràgica (a etzetzione de sos tèmpios a "megaron") a cudda retangulare.
Mudant fintzas sas istruturas funeràrias. Assistimus difatis a sa realizatziones de beras e necròpolis pròpias e de cuddas ispetziales àreas funeràrias denominadas "tofet", ispàtzios destinados a s'interru de sos pipios mortos in sos primissimi annos de vida (o sacrificados, segundu una tesi chi però adobiat semper minore cunsensu intre sos istudiosos).
De particulare rilievu in prus s'introduzione a banda de sos Pùnicos de sa tècnica murària denominada "a telàrgiu", su cale impreu aiat duradu a longu non petzi in edade romana ma fintzas in sos primos sèculos de su medioevu.

Aggiornamento

3/7/2025 - 09:50