Paleolìticu superiore

Su coladòrgiu de su Paleolìticu mèdiu a su Paleolìticu superiore est in generale connètidu a sa cumparta e difusione de sa genia Homo sapiens sapiens, est a nàrrere cuddos grupos umanos chi presentant caraterìsticas fìsicas sìmiles a sas de s'òmine atuale.

In mèritu a s'orìgine de custa genia sunt propostas duas ipòtesis. Sa prima chi atribuit a s'Homo sapiens sapiens un'orìgine africana reghente e una sutzessiva migratzione cara a nord-est; sa segunda segundu cale s'orìgine est acontèssida in modu indipendente in Àfrica, in Àsia e in Europa partinde dae sas genias umanas giai chi esistint in custas àreas geogràficas.

Unu parte de sos rinvenimentos archeològicos acontèssidos in sa gruta Corbeddu de Ulìana si cherent referidu a su Paleolìticu superiore. Si tratat de ossos de animales e de sos frammentos de una mandibola e de àteros ossos umanos. Sa datatzione de custos repertos bàntzigat intre sos 20.000 e sos 6.000 annos a in antis Cristu, sconfinando duncas fintzas in su Mesolìticu. Unu àteru rinvenimentu de manufatos, inquadrabili in su Paleolìticu superiore, est acontèssidu in localidade Santa Maria is Acquas, intre Sàrdara e Mòguru. Si tratat de trastos in seltze datàbiles a inghìriu a 13.000 annos a in antis Cristu.

Aggiornamento

25/10/2023 - 14:47