Sa Candelora

Tzelebrada giai de s'imperadore Giustinianu, custa ricorrenza religiosa si fiat raighinadu a fundu in su cuntestu litùrgicu de sa Crèsia catòlica dae chi Paba Sergio I (687-701) aiat istituidu pro s'ocasione una bàndida professone penitenziale. Sas tzelebratziones, in una prima fase dedicadas a sa Purificatzione de sa Beata Vèrgine Maria, a pustis de su Cuntzìliu Vaticanu II (1962-1965) si sunt cuntzentradas subra de sa figura de Cristu e, in particulare, subra de s'episòdiu evangèlicu de sa presentada de Gesùs a su tèmpiu de Gerusalemme.

Sa traditzione sarda denominada incresiamentu o incresiadura (purificatzione cun beneditzione satzerdotale imposta in crèsia a sa puerpera 40 dies a pustis de su partu e reintegratzione in sa tropa sotziale) s'ispirat a sos càbidos neotestamentari chi descrient sa Madonna a pustis de baranta dies de sa nàschida de su Pipiu si giùghere a su Tèmpiu cun su Fìgiu, segundu sos òbligos de sa lege ebràica (Luca 2, 22-24).

Sa die de sa Candelora, 2 freàrgiu, semper in su cuntestu de sas traditziones isolanas assumet unu particulare importu in su carrasegare aristanesu: sa Sartiglia. In custa data, difatis, acontesset sa cunsigna de sos ceri beneitos dae sos presidentes de sos duos gremi (cuddu de sos massajos e su de sos falegnami) a sos relativos componidoris, sos duos capicorsa, cun su significadu de una pesada de investidura ufitziale. Fintzas sos maniales de sos duos capicorsa e sos giòvanos chi ant a fàghere a gara a sas pariglie retzint unu cero. A serrada de su rituale acontesset unu frisco a base de durches tìpicos e Vernaccia.

Essende unu tempus de coladòrgiu (a metade caminu intre su solstìtziu de ierru e s'ecuinòtziu de beranu), a livellu populare sa Candelora, nòdida comente a Cincirriola e Candelera in unas cantas àreas de sa Sardigna, est cunsiderada un'ocasione ideale pro tràere pronòsticos. Pro esempru, a Bidda de Putzu sa farta de su nie o de s'abba su 2 freàrgiu devet èssere cunsiderada indìtziu de un'ierru ancora longu. A sa Candelora est ligada una longa sèrie de ditzos, narados populares e filastrocche chi tenent comente a tema sas previsiones meteorològicas bene atestados in Sardigna, ma chi agatant ampru cunfrontu fintzas in sas àteras regiones.