Progetos in s'amministratzione pùbblica

A cumentzare dae s'annu 2002, s'est connotu in s'ìsula unu cresche·cresche de su fenòmenu de sos chi li narant "Sportelli Linguistici" chi in sardu sunt istados torrados a batigiare "Ufìtziu de sa Limba Sarda".
Sos artìculos de sa lege 26/99 chi interessant s'Amministratzione Pùblica no ant mai influidu a primore in sa realidade sarda a parte unos cantos interventos subra de sa toponomàstica e sas consultas locales.

Cun s'atuatzione de sa 482/99 de s'Istadu, a cumentzare dae s'annu 2002, s'est registradu in s'ìsula unu cresche·cresche de su fenòmenu de sos chi li narant "Sportelli Linguistici" chi in sardu sunt istados torrados a batigiare "Ufìtziu de sa Limba Sarda".

A parte s'esperièntzia pionierìstica (sustènnida dae un'atzione finantziària de s'Unione Europea ) de sa Comuna de Cuartu Sant'Aleni in su 1999, est istadu de significu s'ativismu de s'Amministratzione provintziale de Nùgoro, oe acostagiada finas dae sas provìntzias de Ogiastra e Aristanis e dae comunas medas. Custu movimentu at creadu fintzas carchi chentina de postos de traballu pro giòvanos laureados espertos in limba sarda.

Sa lege 482/99 at permìtidu de impreare sa limba sarda finas in sos àutos iscritos e ufitziales de sas amministratziones. Su dipartimentu de sos Afàrios Regionales de sa Presidèntzia de su Consìgiu de sos Ministros, chi gestit sa lege 482 in collaboratzione cun sas Regiones, sustenet finas sa formatzione de sos funtzionàrios a impreare e a cumprèndere sa limba de minoria.

Sa Regione Autònoma de Sardigna at sigladu unu protocollu de intesa cun s'Istadu pro sa gestione de custas atividades de valorizatzione "amministrativa" de sa limba de minoria istòrica. Pro custu, sas rechestas podent èssere presentadas a su Servìtziu Limba Sarda de s'Assessoradu Regionale cumpetente intro su 30 de abrile de onni annu.

Datos subra sa polìtica linguìstica regionale [file.pdf]

Aggiornamento

11/5/2023 - 16:44