Francesco Masala

Iscritore bilìngue, Francesco Masala at publicadu libros de poesia, de narrativa, de teatru e de sagìstica, in sardu e in italianu. Sas plùrimas tradutziones in limbas istràngias sunt testimonia de s'universalidade de su messàgiu de sas òperas suas.
Est nòdida sa càrriga polèmica sua temperada dae un'umanidade manna meda. Sas òperas suas prus importantes sunt su romanzu "Cuddos de sas lavras biancas" (1986), sa collida de poesias "Pane nieddu" (1956), "Su Connottu" (dramma populare bilìngue in collaboratzione cun su regista Gianfranco Mazzoni), "Poesias in duas limbas" (1981), "S'arrosu sardònicu", (1984); "Su deus petròliu" (1986); "Istòria de su teatru sardu" (1987), "S'Istòria - Condaghe in limba sarda" (1989).
Est nàschidu in Nughedu Santu Nigola su 17 cabudanni 1916. In Roma at cunsighidu sa làurea in Lìteras. Sa segunda gherra mundiale l'at vistu impinnadu in antis subra de su fronte iugoslavu, posca subra de su fronte russu, ue est fertu in cumbata e decoradu a su valore militare. Cungedadu, at insinnadu trinta annos, in antis a Tàtari, posca a Casteddu. Una longa e amistosa afinidade culturale e polìtica lu ligat a Emilio Lussu, Aldo Capitini, Giuseppe Dessì e Salvatore Cambosu. Giornalista pubblicista, chimbanta annos at collaboradu a giornales e rivistas cun artìculos de crìtica literària, artìstica e teatrale. Est istadu presidente de su Prèmiu literàriu in limba sarda "Tzitade de Otieri" e, in su 1978, de su "Comitadu pro ischit limba", chi aiat presentadu sa "Proposta de lege de initziativa populare pro su bilinguismu perfetu in Sardigna". Est mortu in Casteddu su 23 ghennàrgiu 2007.

Aggiornamento

4/3/2025 - 19:50