Diàlogos a sa Bi.G: Libros chi faeddant a su presente. Addòbios culturales a sa Biblioteca regionale "Grazia Deledda"

Su 12 freàrgiu pigat inghitzu unu tziclu de addòbios acanta sa "Biblioteca regionale "Grazia Deledda" (Bi.G), de reghente intitulada a sa grandu iscritora sarda in su tzentenàriu de su cunferimentu de su Prèmiu Nobel pro sa Literadura.
"Diàlogos a sa Bi.G: Libros chi faeddant a su presente" est un'initziativa pessada pro favorire s'atzessu a sa cultura e segugiare, movende de sos libros, riflessiones abertas e cualificadas subra de temas de atualidade: sa Bi.G s'oferit comente a ispàtziu biu de addòbiu cun sas boghes de su mundu culturale cuntemporàneu, ue sa letura si faghet esperièntzia colletiva e sos libros trastu e ocasione de diàlogu.

Giòvia 12 freàrgiu a sas oras 17:00, ant a èssere istràngios de su primu Diàlogu a sa Bi.G Cristina Caboni e Angelica Grivèl Serra in unu merie coordinadu dae Duilio Caocci. In abertura, sos saludos istitutzionales de s'Assessora a sos benes culturales Ilaria Portas.

Sos addòbios sunt totus de badas e a intrada lìbera.
Sos imbenientes addòbios ant a èssere publicados in sos giassos e subra de sos canales sotzial istitutzionales de sa Regione Autònoma de sa Sardigna.