Sos santuàrios

In edade nuràgica, ultres a sos numerosos nuraghes, fiant bènnidos realizados unos àteros tipos de istruturas in pedra, intre sas cales si signalant, pro importu simbòlicu e calidade architetònica, cuddas destinadas a s'acumprimentu de fainas pertinentes a s'isfera de su sacru. Sos edifìtzios sacros realizados in edade nuràgica sunt de tres tipos: sos tèmpios a putzu, sas fontes sacras e sos tèmpios a "megaron".

Sos tèmpios a putzu sunt s'àteru tipu de istrutura realizada in edade nuràgica in cale resurtat atestadu s'impreu de sa tholos. A diferèntzia de sos nuraghes però in custu casu sa càmera cun cobertura a tholos est ipogea, est a nàrrere realizada suta terra. Custos edifìtzios fiant ligados a su cultu de sas abbas, unu bene semper pretziosu in sas sotziedades antigas. Sos tèmpios a putzu andaiant a chircare s'abba fintzas a grandu profundidade.

In curtzesa de unos cantos tèmpios in manera piessigna importantes su santuàriu daiat vida a ampros bidditzolos "federales", interpretados comente a àreas in cales deviant tènnere logu periòdicos addòbios intre fideles bènnidos de zonas diferentes in ocasione de festividade in manera piessigna importantes pro sa religiosidade isolana.

Fintzas sas fontes sacras acumpriant anàloga funtzione: in custu casu però sa falda acquifera amparada dae s'istrutura istupaiat diretamente a su livellu de su terrinu.

Su de tres tipos de edifìtzios sacros realizados in edade nuràgica est rapresentadu dae sos gai narados tempietti a "megaron". Su nùmene derivat de s'assimìgiu istruturale intre custu tipu de edifìtzios e su "megaron" gregu.

Aggiornamento

12/9/2023 - 16:37