Sas tumbas de gigantes

Pro grandu ala de sa paràbola cronològica descrita dae sa tziviltade nuràgica, sos ùnicos logos de interru fiant istados sas "tumbas de gigantes", nùmene atribuidu dae sa traditzione populare a sos monumentos funeràrios nuràgicos.

Sas tumbas de gigantes sunt longos fàbricos (podent cròmpere fintzas sos 30 m), realizadas de su totu in pedra. Sunt caraterizadas dae sa forma planimètrica chi ammentat s'imàgine ischemàtica de una protome taurina, frutu de sa presèntzia subra de sa fatzada de su monumentu de duos bratzos laterales lunados, chi formant sa gai narada esedra.

S'esedra podiat èssere realizada cun su sistema a ortostati, est a nàrrere cun una sèrie de pedras dispostas a gurteddu, opuru cun su sistema a muratura, semper litica. Su tipu a ortostati fiat caraterizadu dae sa presèntzia a su tzentru de una stele centinata, prus arta respetu a sos unos àteros ortostati. Sa càmera interna resurtaiat coberta cun unu sistema a piattabanda.

A s'internu de sas tumbas de gigantes beniat praticadu su rituale funeràriu de s'interru colletivu, e custu in ala ispantat respetu a una sotziedade comente a cudda nuràgica chi nch'aparit, subra de sa base de su cumplessu de sos datos materiales, connotada dae una forte gerarchizzazione.

In sas fases cronològicas prus tardas si manifestat una noa pràtica funerària: cudda de sos interros sìngulos a s'internu de piticos pozzetti, comente a in sa necròpoli de Monte Prama (Crabas), acanta cale fiant bènnidos atzapadas sas famadas istàtuas nuràgicas chi rapresentant pessonàgios umanos a mannària naturale.

Aggiornamento

12/9/2023 - 16:52