S'Edade de sa Pietra Antiga

Su tèrmine Paleolìticu est assentadu dae sas paràulas gregas "paleos", antigu, e "lithos", pedra, e designat s'Edade de sa Pietra Antiga. Est sa fase in cronologia prus antiga de s'istòria umana, cudda est a nàrrere in cale cumparent sas primas atestatziones tzertas de manufatos prodùidos dae s'òmine.

Su Paleolìticu est istadu ateretantu partzidu in tres perìodos: su Paleolìticu inferiore (a s'internu de su cale, pro brevità, cumprendimus fintzas s'Archeolitico, sa fase chi cugùgiat s'arcu cronològicu chi andat dae 2,5 a 1 millione de annos faghet), su Paleolìticu mèdiu e su Paleolìticu superiore.

Su cumintzu beru e etotu de su Paleolìticu inferiore benit in manera cunventzionale datadu a inghìriu a belle 1 millione de annos faghet e est caraterizadu dae sa cumparta de una noa genia chi apartenet a su gènere "Homo": "Homo erectus". Sos printzipales acatamentos aiant acontèssidu in Àsia, in Àfrica e in Europa.

Semper in su Paleolìticu inferiore compare fintzas una àtera genia, fundamentale in s'istòria evolutiva de s'òmine: "Homo sapiens", datàbile intre sos 0,5 e sos 0,12 milliones de annos. Paret sustenìbile unu dòpiu isvilupu evolutivu de su "Homo sapiens": cuddu europeu e cuddu africanu. De custu segundu ramu evolutivu diat èssere naschidu s'òmine modernu.

Bisòngiat comente si siat pretzisare chi sa "paleoantropologia", s'iscièntzia chi afrontat s'istùdiu de sas fases prus antigas de s'istòria umana (cumintzande dae su problema de s'orìgine de s'òmine) est una disciplina in contina evolutzione. No de rao podet èssere sufitziente s'acatamentu de unu petzi nou fòssile atribuìbile a un'omìnide "disconnotu" (non pertinente est a nàrrere a nemos de sas mesches giai nòdidas) pro rivolutzionare s'intrea istrutura de s'àrbore evolutivu elaboradu finas a cuddu momentu de sos istudiosos.

Aggiornamento

24/10/2023 - 18:36