Giovanni Lilliu

Giovanni Lilliu, archeòlogu, in prus de fossare sa reggia nuràgica de Barùmini, at contribuidu cun sos istùdios suos e sa continua faina sua de intelligente divulgatzione a fàghere connòschere e avalorare su patrimòniu culturale paleosardu in totu su mundu.
Nàschidu in Barùmini in su 1914, dischente de Ugo Rellini a s'Iscola Archeològica de Roma, dae su 1943 a su 1955 at operadu in sa Soprintendenza a sas Antighidades de sa Sardigna. Professore ordinàriu de Antighidades Sardas de su 1955, est istadu binti annos Prèside de sa Facultade de Lìteras e Filosofia de s'Universidade de Casteddu. Est Professore emerito, e membru de numerosos Istitutos sientìficos siat italianos siat istràngios. At fundadu e dirìgidu s'Iscola de Ispetzializatzione de Studios Sardi de s'Universidade de Casteddu. Dae su 1990 est istadu mutidu, ùnicu sardu, a fàghere parte de s'Acadèmia de sos Lincei. Intre sas numerosas publicatziones suas si signalant "Sa tziviltade de sos Sardos de su neolìticu a s'edade de sos nuraghes" (Torinu, 1963), "Isculturas de sa Sardigna nuràgica" (Casteddu, 1966), "Sa tziviltade nuràgica" (Tàtari, 1982), "Cultura e culturas" (Tàtari, 1995), "Arte e religione de sa Sardigna prenuràgica" (Tàtari, 1999). At tentu un'esperièntzia polìtica in calidade de cussigeri regionale in sas fila de sa Democratzia Cristiana. In sos ùrtimos de deghe annos est istadu semper ativu subra de su fronte de sa defensa de s'identidade de sa Sardigna e, in particulare, de sa limba sarda. In unu famadu sàgiu de sos annos Setanta at coniadu e definidu su cuntzetu de sa "costante resistenziale sarda". In su volùmene "Sentidu de libertade" (2004) at tòddidu sos artìculos suos e sàgios "in limba".

Aggiornamento

4/3/2025 - 19:49