Seui, Mina de Corongiu

S'insediamentu industriale est situadu in su fundu badde a sa periferia de su paisu, in mesu de sas forestas de Montarbu chi fruniant sa linna pro sa fortza motora, ùtile a sa traballadura de su minerale.
Sa mina de antracite fiat istadu in comintzu afidada a privados pro colare a sa sotziedade Corr'e boi in s'ùrtima ala de s'Otighentos, favorida dae su fàbricu de sa ferrovia Casteddu-Arbatax. A pustis de alternos fatos sa mina fiat istadu decrarada fallida in su 1959.
S'edifìtziu prus significativu est sa laveria de San Sebastiano in curtzesa de su caminu ferradu, a s'in cuddae de unu ponte in pedra, e s'isvilupat subra de tres pranos cun ateretantos fràigos unidos intre issos: una torretta subra de su chirru s. cun aberturas a duos e tres lughes separat de pilastrini, unu corpus tzentrale subra de su cale si repitent ampras ventanas e un'edifìtziu prus bassu. In particulare in sa torretta sunt visìbiles sòbrias decoraduras intre Liberty e Arte Déco, mentras sas lesene angulares presentant fascas bicrome.
Subra de sos rilievos in tundu sunt sas piticas abitatziones e sos camerones pro sas famìlias e pro sos mineris bajanos, mentras sos edifìtzios de servìtziu comente a su laboratòriu e sa polveriera sunt collocados prus in artu.
Sa mina faghet parte de su Parcu Geominerario, Istòricu e Ambientale de sa Sardigna, reconnotu dae s'UNESCO.

Istòria de sos istùdios
Sa mina est cumpresa in vàrias publicatziones de archeologia minerària in Sardigna.

Bibliografia
S. Mezzolani-A. Simoncini, Paesàgios e architeturas de sas minas, Nùgoro, 1993, pp. 291-293.