Bidda de Sartu, Museu Archeològicu-Industriale de sa faina minerària ''Su Suergiu''

Su burgu mineràriu de ''Su Suergiu'', in cale sa faina estrativa fiat cumintzada in su 1858, est cumpostu dae diversos caseggiati dominados dae sa palazzina de sa Diretzione chi, fraigada in sos primos annos de su Noighentos, in perfetu istile Liberty], acasàgiat oe su museu.
A traessu de s'espositzione de sos materiales e de sas atretzaduras prus rapresentativas de sa faina minerària, est proposta a sos visitadores sa fidele ricostrutzione de su cumplessu protzessu produtivu in sas plùrimas fases suas, interdipendentes in manera istrinta intre issas.
Durante sa bìsita est dadu ampru ispàtziu a s'evolutzione de sos mètodos e de sas tècnicas de bogadura e traballadura de su minerale, ma fintzas a su fatu umanu de sos òmines, de sas fèminas e de sos pipios chi fiant istados impreados in sas minas.
S'edifìtziu acollit una setzione espositiva, partzida pro àreas, chi cumprendet esemplares de rocas e minerales chi costituint su sottosuolo de su territòriu e totu sos trastos de traballu de su minadore, movende de s'echipagiamentu personale suo, pro arribbare a sas màchinas dae galleria. Restant, imbetzes, pagos meda esemplares de sos trastos dìligos meda chi s'impreaiant in s'importante laboratòriu chìmicu.
A su primu pranu s'agatat s'abitatzione de su diretore, cumposta dae ampros aposentos e mescamente de una terratza, de sa cale est possìbile a bìdere sos cùcuros de su Gennargentu, sos imponentes padentes e sas foltissime istèrridas de mantza mediterrànea chi caraterizant su paisàgiu de su Sarrabus-Gerrei.
Su Museu est particulare meda in su gènere suo, ca proponet sa ricostrutzione de sas fases de sa faina estrativa de Su Suergiu, zona chi, de su puntu de bista mineràriu, est connota sin de s'època fenìtziu-pùnica.

Ca est importante a lu bisitare
Sa bìsita ghiada permitet de aprofundire un'importante capìtulu de s'istòria econòmica de su territòriu. S'isfrutamentu de sas risursas mineràrias, difatis, at tentu unu grandu importu ca caraterizadu dae sa forte contrapositzione a su traditzionale impreu massaju e pastorale de su territòriu.

Tag

Categoria Struttura: Museu, galleria e/o collida

Tipologia Contenuti: Iscièntzia e/o tècnica
Giassos o impiantos

Fruibilità: Abertu

Provincia: Sud Sardigna

Comune: Villasalto

Macro Area Territoriale: Sud Sardigna

CAP: 09040

Indirizzo: località Su Suergiu

Telefono: +39 392 2004467 +39 070 5435109

Email: agora@agora.coop susuergiu@gmail.com minierasusuergiu@outlook.it

Sito Web: www.agora.coop/museo-archeologico-industriale-dellattivita-mineraria-di-villasalto www.comune.villasalto.ca.it/villasalto/zf/index.php/musei-monumenti/index/dettaglio-museo/museo/1

Facebook: www.facebook.com/archiviostoricoemuseominerarioSuSuergiu.villasalto

Informazioni sui biglietti e sull\'accesso: Sos oràrios, dada sa variabilidade issoro, sunt ciclicamente agiornados in sa pàgina web dedicada de su gestore. Non sunt como disponìbiles informatziones agiornadas subra de sos billetes, si cussìgiat de mutire s'istrutura pro tènnere informatziones a su riguardu.

Modalità di accesso: a pagamentu

Informazioni sui servizi: Il costo della visita guidata è di 2,00 euro, si consiglia di contattare telefonicamente la struttura al +39 392 2004467 per verificare eventuali variazioni nel prezzo.

Aggiornamento

31/1/2025 - 12:37

Servizi

Visite guidate