Benvenuto Lobina

Benvenuto Lobina est unu de sos majores esponentes de sa poesia e prosa in limba sarda de su Noighentos, puntu de riferimentu tzentrale pro sas polìticas e istrategias culturales identitàrias.
Naschet in Biddanoa Tulu, paisu de sa Sardigna tzentru meridionale, in su 1914. Est impreadu comunale e postale a Casteddu, posca a Tàtari. Cumbatet in sa gherra de Etiòpia, si faghet una cultura de autodidata acurtziende·si a su movimentu futurista. Collàborat dae su 1933 a diversas rivistas literàrias intre cales "S'Ischiglia". Bortat in sardu autores ispano-americanos. Sas òperas suas de rilievu sunt sa collida de versos "Terra disisperada terra" e su romanzu "Po Cantu Biddanoa". Sas lìricas de Lobina essint a Milanu in su 1974 in prena tempèrie culturale "neosardista". Lobina s'espressat in sa limba familiare de su paisu nadale, petzi regularizada in sa grafia e cun carchi aportu lessicale coltu. Scarnifica sa paràula e incarnat unu sentimentu èpicu de apartenèntzia a su pòpulu sardu, no idealizadu, su chi at sufridu sos rivolgimenti de s'istòria, siat cudda manna siat cudda pitica. Subra de su matessi tema s'atzentrat su romanzu "Po Cantu Biddanoa" (1974), ue si delineat sa microstoria de unu bidditzolu sardu a s'internu de sas grandu currentes de s'istòria. Lobina morit in su 1993 lassende unu grandu bòidu in su mundu literàriu de sa limba sarda chi ancora, a dolu mannu, no est istadu colmato.

Aggiornamento

4/3/2025 - 19:52