Oclusivas sonoras

Pro su chi atenet a su tratamentu de is oclusivas sonoras in positzione intervocàlica, tocat galu de sutalineare ca sa situatzione prus cunservativa est oferida dae is dialetos tzentrales, in ue s'osservat su passàgiu de custos fonos mescamente a "spiranti" sonoras de su matessi puntu de articulatzione.
Duncas, faghende esempros: dae su latinu CUBARE, PEDE(M), EGO protzedint, de pare a pare, cubare "nascondere", pede "piede", ego, dego "io". In logudoresu e in campidanesu, imbetzes, su protzessu de lenitzione relatadu inoghe est lòmpidu, pro norma, finas a su dileguamentu de is cunsonantes interessadas, gasi chi is formas chi currispondent pro "nascondere", su logudoresu "cuare" e su campidanesu "cuai, acuai", pro "piede" su logudoresu "pee, pe", e su campidanesu "pei", pro "io" su logudoresu eo, deo e su campidanesu deu. Resumende in un'ischema una situatzione chi in sa realidade est cumplicada e amminudada, leados a cunsideru finas is raportos e is influèntzias pare•pare intre is dialetos diferentes, podimus nàrrere ca su tratamentu de is oclusivas intervocàlicas in sardu est comente sighit: dialetos tzentru orientales:p , t , k > p , t , k (= conservatzione); b , d , g ,> ƀ , ð , g- (= "spiranti" sonoras); b , d , g > Ø (= zero, dileguamentu ). In totu is istùdios a pitzu de su sardu e in sa classificatzione de fenòmenos e dialetos tocat semper de tènnere in contu ca is làcanas marcadas sunt, a s'ispissu, relativas. Difatis, is linguìstas e is glotòlogos chircant de pònnere in cunsertu una situatzione chi est meda cumplicada.

Aggiornamento

11/5/2023 - 16:44