Su Catalanu

In su 1323 un'ispeditzione ghiada dae s'infante Alfonso, figiu de Giàime II de Aragona, fiat lòmpida in Sardigna. S'avenimentu podet èssere cunsideradu su cumentzu de unu perìodu nou de s'istòria sarda chi bidet s'ìsula, finas a su 1718, sugeta - a manera belle che sighida - a primu a su poderiu catalanu-aragonesu e a pustis a cuddu ispagnolu.
In su 1323 un'ispeditzione ghiada dae s'infante Alfonso, figiu de Giàime II de Aragona, fiat lòmpida in Sardigna. S'avenimentu podet èssere cunsideradu su cumentzu de unu perìodu nou de s'istòria sarda chi bidet s'ìsula, finas a su 1718, sugeta - a manera belle che sighida - a primu a su poderiu catalanu-aragonesu e a pustis a cuddu ispagnolu.
Dae su puntu de bista linguìsticu, custos eventos ant lassadu un'imprenta funguda meda in sa fisionomia de su sardu. Sa difusione de su catalanu, limba ufitziale de is conchistadores finas a su 1479, est istada prus lestra e atziva in sa regione meridionale de s'ìsula chi no in cudda setentrionale, in ue, a ogni modu, est istada totu, francu chi dèbile. A esempru de comente su limbàgiu nou est intradu in su lèssicu sardu, ammentamus boghes che a su camp. "aici" "così" (cat. així); su camp., tzentr. e log. merid. "bardúf(f)ula" "trottola" (cat. baldufa);su log. e camp. barbéri "barbiere" (cat. barber);su camp. e barb. bláu, bráu "azzurro, celeste" (cat. blau); su camp. buciaca, tzentr. butzaca, log. busciaca ''tasca, saccoccia'' (cat. butxaca, botxaca, bojaca); su log. (figu) burdasciota "specie di fico nero, brogiotto" (cat. bordissot); su camp. e centr. brassólu, bratzolu, bartzolu "culla" (cat. bressol, brassol); su camp., barb. e tzentr. cadira ''sedia'' (cat. cadira); su log. camedda "arco del giogo dei buoi'' (cat. camella); su log. carabassa "specie di zucca lunga" (cat. carabassa); su log. cartzofa, iscartzofa, camp. canciofa, conciofa "carciofo" (cat. carxofa, escarxofa).

Aggiornamento

11/5/2023 - 16:44