Vincenzo Raimondo Porru

Nàschidu in Casteddu in su 1773, Vincenzo Porru fiat istadu impinnadu, cun àteros intelletuales de s'època, in sa defensa e in sa valorizatzione de sas traditziones e de sas dislindadas culturales sardas.
Intre custas mescamente sa limba, cale aiat dedicadu su "Sàgiu de gramàtica subra de su dialetu sardu meridionale", de su 1810, e su "Nou dizionariu sardu italianu", de su 1832-34. Fiat istadu definidu dae su Siotto Pintor "su legisladore de sa limba sarda". In s'introduzione a su Sàgiu "suo" de su 1810, Porru aiat giai collidu s'essèntzia de su problema de sa limba autòctona de sa Sardigna: "Nois Sardi però parimus castiare cun indiferèntzia, e belle cun ogru dispretziàbile a cuddu limbàgiu, chi de su sinu maternu aìamus tràidu cun su sàmbene pròpiu, e pro cale ognunu èssere deas naturalmente apassionadu". Cun sas òperas suas issu aiat chircadu de pònnere òrdine in una matèria cumplessa e giai difìtzile de fàghere a mere. In particulare, si fiat ocupadu, de linguista, de su sardu chi connoschiat mègius, su de sa parte meridionale de s'ìsula. S'òpera sua est interessante pro duos importantes motivos. Porru aderit a sa generale batalla chi sos intelletuales sardos aiant printzipiadu in defensa de sa veridade subra de sas cosas sardas. In prus, rilevat cun fortza su bisòngiu de arrichire sa limba sarda ricurrende, cando chi siat netzessàriu, a prèstidos de àteras limbas. Ma sa boghe sua abarrat lìtera morta: sos tempos non fiant maduros. Aiat mortu in Casteddu in su 1836.

Aggiornamento

10/3/2025 - 12:05