Argomenti
Argomenti
S'edifìtziu s'agatat a su de suta de su caminu printzipale chi rugrat su paisu, pagu a largu de su mercadu. A su pranu terra est ammaniadu su Museu etnogràficu "Ischit Domo Manna".
Fiat istadu realizadu intre su 1890 e su 1920 subra de progetu de s'ingenieri Achille Dettori, a pustis de duas propostas de Eugenio Sironi (1871) e de Salvatore Calvia (1889, refudadas ca tropu dispendiose. Est comente si siat significativa, in cuddu momentu e in unu paisu piticu comente a Biddanoa Monteleone, sa presèntzia de un'edifìtziu impreadu a casamentu iscolàsticu. A pustis de su restàuru operadu intre su 1996 e su 1998 oe tenet una funtzione de tzentru culturale e pro espositziones. Acasàgiat, a su pranu terra, su Museu Etnogràficu Ischit Domo Manna.
Su singulare fàbricu tenet formas sòlidas e cumpatas e, isfrutende su dislivellu de su terrinu, colat dae duos a tres pranos, sutaliniende su basamentu cun un'artu zoccolo de trachite ruja. Fascas bicrome rujas e murras caraterizant a forte s'edifìtziu, ricurrende a unu limbàgiu neomedioevale, chi torrat a cramare sa bicromia de s'architetura romànica in Sardigna. Sas ventanas s'isvilupant in manera regulare e in manera simmètrica e tenent totus format a arcu comente a sos portales de intrada.
Istòria de sos istùdios
Una rassegna de sos istùdios s'agatat in sa bibliografia relativa a s'ischeda in su volùmene de s'"Istòria de s'arte in Sardigna" subra de s'architetura oto-novecentesca (2001).
Bibliografia
Unu palatzu pro sa cultura, a cura de G. Altea-M. Magnani, Biddanoa Monteleone, 1998;
F. Masala, Architetura de s'Unidade de Itàlia a sa fine de su '900. Nùgoro, Ilisso, 2001, ischeda 17.
Tipologia Contenuti:
Architetura tzivile
Provincia: Tàtari
Comune: Villanova Monteleone
Macro Area Territoriale: Nord Sardegna
CAP: 07019
Indirizzo: via Papa Giovanni XXIII, 8
Aggiornamento
Dove si trova
Facebook
Twitter
LinkedIn
WhatsApp
Stampa
Email
Commenti