Argomenti
Argomenti
De mèrcuris 6 maju, s'OPAC de su Polo Regionale SBN Sardigna BiblioSar s'arrichit de Sebina A Sos, una suite de trastos basados subra s'abbistesa artifitziale generativa cherta dae su Servìtziu valorizatzione e gestione de su patrimòniu culturale de sa RAS in s'òtica de ofèrrere a sos impitadores servìtzios innovativos e cun s'obietivu de rèndere su patrimòniu bibliotecàriu isolanu prus atzessìbile e inclusivo, aterrende barrieras linguìsticas e culturales.
Su servìtziu, isvilupadu dae Dot Beyond, introduit duas funtzionalidades printzipales de sa versione desktop de su portale:
Addòbiu a su Salone de su Libru de Torinu
Tratende·si de una novidade in su panorama de su Servìtziu Bibliotecàriu Natzionale (SBN), s'esperièntzia sarda at a èssere presentada in manera ufitziale a s'imbeniente Salone Internatzionale de su Libru de Torinu.
S'eventu, intituladu "Cando su catàlogu de sas bibliotecas diàlogat cun sos impitadores. S'esperièntzia de sa Sardigna cun Sebina A Sos", s'at a tènnere lunis 18 maju, de sas oras 15:00 a sas 16:00, acanta s'Ispàtziu Sardigna. S'addòbiu at a bìdere sa partetzipatzione de sas Responsàbiles pro sa RAS de custa importante isperimentatzione, cun sos interventos de Elisabetta Pani e Angela Messina e sa moderatzione de Floriana Mene. At a èssere s'ocasione pro faeddare de sas polìticas de sa Regione a amparu de sas bibliotecas e acrarire comente a s'abbistesa artifitziale potzat trasformare cada chirca in unu beru cursadu de iscoberta culturale.
Pro aprofundire su funtzionamentu de Sebina A Sos at a èssere consultàbile subra de s'OPAC Bibliosar unu breve video e una pàgina informativa dedicada a su servìtziu.
Aggiornamento
Facebook
Twitter
LinkedIn
WhatsApp
Stampa
Email
Commenti