Tonino Ledda

Sa figura de su poeta otieresu Tonino Ledda est importante pro incuadrare su fenòmenu de s'iscoperta de sa poesia e prosa in limba sarda a traessu de sos prèmios literàrios.
Est issu chi in su 1956 fundat e aviat su Prèmiu Otieri, ancora oe unu de sos cuncursos literàrios "in limba" de majore prestìgiu. In sas dècadas chi segono su segundu pustisgherra, in particulare a pustis de s'inghitzu de sa gai narada "Renàschida", sa modernizzazione de sa Sardigna protzedit a tapas fortzadas. Custu impetuoso protzessu interessat fintzas sos pìgios prus bassos de sa populatzione, conchinados a abbandonare sa limba mama pro abbratzare sa modernidade veiculada in limba italiana. Sa poesia in limba sarda intrat in crisi e arriscat s'emarginazione a fenòmenu antropològicu de una sotziedade "in ritardu de isvilupu". In medas reagint a custu istadu de cosas (bastas pessare a Antonio Simon Mòvida). Unu de sos prus produtivos est Tonino Ledda chi cun s'Otieri cumintzat s'istajone de sos prèmios literàrios chi ant a devènnere diversas dècadas su tzentru motore de s'annoadura literària de sa limba sarda. S'intelletuale est fìgiu de emigrados e at subidu subra de sa pedde pròpia su dennegu de sa limba materna giai in domo pròpia. Sa contradditzione est petzi aparente: sa limba custu no est eredade ètnica, ma seberada cussente e eletiva, chi espressat sa reatzione a s'omologatzione dominante. De su limbàgiu de sa poesia de Tonino Ledda, Francesco Masala at iscritu chi "si faghet naturalmente e simpre in manera bòlida e ùmile ma est imbetzes càrrigu de un'artu potentziale lìricu".

Aggiornamento

4/3/2025 - 19:36