Iscanu, Nuraghe Nuracale

S'edifìtziu pesat acanta su riu Luzzanas a su ponte de sa bia pro Bosa, subra de sa pibirista de su vallone a una cuota de m 406 s.l.m.
Nuracale est unu de sos prus imponentes nuraghes de su massissu de su Montiferru. Si tratat de unu nuraghe cumplessu costituidu dae una turre tzentrale marcada a su tzentru de unu cuadradu costituidu dae sas cortinas retilìneas de congiuntzione de sas turres angulares.
De su mastio, ingombro de ruinas in sa càmera inferiora, si cunservat parte de sa càmera de su primu pranu. Custa ùrtima, priva de sa cobertura, tenet pranta tzirculare (m 4 de diàmetru) e un'artària màssima resìdua de 11 metros. A sos chirros de sa càmera non s'osservat sa presèntzia de vanos subsidiàrios. A su bastione, lacunoso in s'isvilupu planimètricu suo a càusa de sas derrotas, s'atzediat a traessu de un'intrada aberta longu sa cortina E, belle de su totu terradu. Su passadissu retrostante poniat in una corte interna de forma istrinta e illonghiada (m 14 x 4), ingombro fintzas issu de pietrame pro un'artària de unos tres metros, sas cales muros s'àrtziant subra de su pranu de derrota - in unos cantos tretos - pro unos 5 metros. De sos chirros de sa corte si partiant sos passadissos de atzessu a sas duas turres anterioras, praticabili però petzi in su tretu initziale. Una de sas turres posteriores, chi si cunservat pro un'artària màssima resìdua de m 4, presentat - a s'internu - unu vanu tzirculare marginadu dae una nitza; si podet in prus individuare s'imbuccadura de su passadissu. Sa cortina murària chi unit - in su cuadrante N - sas duas turres est, nointames sos ladinos rastros de restàuru, sa mègius cunservada de su bastione (m 7 de artària).

Istòria de sos istùdios
Noas subra de su nuraghe s'agatant in unu manuale de su 1985.

Bibliografia
M. Sequi, Nuraghes. Manuale pro connòschere 90 grandu turres megalìticas de sa Sardigna, Robbiate, Multigraf, 1985.

Comente arribbare
Su nuraghe s'agatat a 2,5 km de s'abitadu de Scano, longu sa SP 19 pro Sagama, bene individuàbile subra de sa manca a unos 100 metros de su caminu.