Tàtari, Giardinu de su Palatzu Infermeria San Pedru

Giardinu de su Palatzu Infermeria San Pedru. Foto de Angela Nieddu, 2025, de Catàlogu BBCC

Su palatzu Infermeria San Pedru s'agatat assetiadu in su tzentru istòricu de Tàtari, resurtadu de s'unione de diversos corpos de fàbrica isvilupados #si in èpocas istòricas diferentes. Su nùcleu originàriu torrat a artziare a sa prima metade de su sèculu XVII e fiat istadu crèschidu in su Setighentos. S'edifìtziu fiat destinadu a s'assistèntzia de malàidos e pòveros e fiat istadu afidadu a sos Prados Frantziscanos Osservanti de San Pedru de Silki. In s'Otighentos s'Infermeria fiat coladu dae sa gestione de sos cunventuales de San Pedru a sos Babbos Carmelitanos. In su 1866 su Comunu aiat detzìdidu de destinare s'edifìtziu e su giardinu a sede de s'Asilu Infantile. Non si tenent informatziones subra de sa cunfiguratzione originària de su giardinu. Su cumplessu cumprendet unu giardinu retrostante, de su totu inghiriadu dae lotos de àteras propiedades. S'àrea de su giardinu podet èssere partzida in duas macroàreas: una parte piantumata, su giardinu beru e etotu, e una parte posta su pamentu definìbile comente a corte. Sa macroàrea piantumata est un'ispàtziu birde atzessìbile a traessu de una scalinata interna a su palatzu. Si presentat comente a unu piticu giardinu imperadu in ricuadros, evidentziados dae percursos in ghiaia. Est unu giardinu simpre, cun unos cantos àrbores de agrùmenes, frores e concas ispartas, in su cumplessu ricu de vegetatzione. Sunt presentes unos cantos rampicanti de glitzinas e plumbago.

Aspetos de interessu
Si tratat de un'ispàtziu ricu de vegetatzione nointames sas dimensiones reduidas. Unos cantos àrbores sunt cun probabilidade presentes dae meda, mentras àteros so de prus reghente piantumazione. Unu rampicante de glitzinas incornicia, comente a una pergola, su puntu de coladòrgiu intre su giardinu e sa corte.