Sassari, Colletzione Mario Sironi

Sa colletzione s'agatat in su Palatzu de su Bancu de Sardigna in viale Umberto, e est collocada in su salone ue su cussìgiu de amministratzione tenet sas riuniones suas. Sa colletzione est costituida dae barantaduas òperas de Mario Sironi (Sassari 1885 - Milanu 1961), unu de sos grandu protagonistas de s'arte italiana de su Noighentos. Aende·si formadu a Roma cun Balla, Boccioni e Severini, fiat istadu un'esponente de su futurismu e un'ardente fascista. Aiat fundadu cun unos àteros in su 1922 su "grupu de sos Sete Pintores Modernos", chi aiat costituidu sa raighina de su "Noighentos". A sa fine de sos annos Binti, lassada sa pintura de cavalletto, si fiat postu a sa conca de unu movimentu pro sas grandu decoraduras murales de balore tzivile, prus consone a su cuntzetu globale suo de s'arte, chi uniat pintura, iscultura e architetura. Finas a su 1943 aiat espostu in medas tzitades europeas e aiat partetzipadu a sas prus importantes rassegnas internatzionales. A pustis de sa gherra, in s'istùdiu milanesu suo, fiat torradu a sa pintura dae cavalletto. Sironi fiat istadu pintore de sa soledade, intre cupos paesàgios, periferias e edifìtzios industriales, òmines e fèminas rapresentados in sa rigidezza de sa pedra. Sas òperas espostas, in sa belle totalidades donadas dae sa cumpàngia e erederi universale Mimì Costa a su Bancu de Sardigna, medas de sas cales inèditas, sunt costituidas dae ògios, tempere, tècnicas mistas, disinnos e isculturas realizadas intre su 1926 e su 1958. Faghet ispico su mannu pintadu Allegoria de su traballu, istùdiu ammaniadore de s'afriscu realizadu, cun grandu resessida, in su 1933 pro sa V Triennale de Milanu. Intre sas àteras òperas: Moses (1933), Studio pro afriscu (1935), Studio pro decoradura de internu (1938), Studios pro decoradura (1938), Cumpositzione astrata (1954). Sa collida est aberta a cale si siat siat interessadu.

Ca est importante lu bisitare
Medas de sas òperas espostas sunt inèditas. Su cantu forte est su mannu pintadu Allegoria de su traballu, istùdiu ammaniadore de s'afriscu realizadu, cun grandu resessida, in su 1933 pro sa V Triennale de Milanu.

Tag

Categoria Struttura: Museu, galleria e/o collida

Tipologia Contenuti: Arte

Fruibilità: Abertu

Provincia: Sassari

Comune: Sassari

Macro Area Territoriale: Nord Sardigna

CAP: 07100

Indirizzo: piazzetta Banco di Sardegna, 1

Telefono: +39 079 227076

Email: relazioniesterne.segreteriadirezione@bancosardegna.it

Sito Web: istituzionale.bancosardegna.it/sostenibilita/il-nostro-impegno/cultura-e-territorio/il-patrimonio-artistico

ghennàrgiu - nadale

Lunedì - Martedì - Mercoledì - Giovedì - Venerdì

08:20 - 13:20

Lunedì - Martedì - Mercoledì - Giovedì - Venerdì

15:05 - 16:30

Informazioni sui biglietti e sull\'accesso: Sa colletzione est visitabile petzi subra de aparauladura, in s'àmbitu de sos oràrios de abertura de sos ufìtzios de sa diretzione generale de su Bancu de Sardigna de Sassari.

Modalità di accesso: De badas

Aggiornamento

30/5/2024 - 09:34

Servizi

Visite guidate